Aktualitet

Vrasja në Kavajë/ Lirohet nga burgu Bledar Toçi, qëlloi me armën e shërbimit Haxhollin, Gjykata: E vrau për vetëmbrojtje

Gjykata e Kavajës i ka caktuar Toçit masën e sigurisë “detyrim paraqitje”, edhe pse më parë ai ishte lënë në burg. Ai u lirua pasi akuzohet vetëm për trafik lëndësh narkotike spese në dosje thuhet se vrasja e 41-vjeçarit ka ndodhur në kushtet e vetëmbrojtjes.
Featured image of article: Vrasja në Kavajë/ Lirohet nga burgu Bledar Toçi, qëlloi me armën e shërbimit Haxhollin, Gjykata: E vrau për vetëmbrojtje Haxholli, Qatja dhe Toçi
Përditësuar:

KAVAJË- Ish- shefi i sigurisë së Brendshme të burgut të Durrësit, Bledar Toçi është liruar nga burgu edhe pse mbi të rëndon akuza për vrasjen me armën e shërbimit të  Dritan Haxhollit në Kavajë.

Mësohet se 3 ditë më parë, Gjykata e Kavajës i ka caktuar Toçit masën e sigurisë “detyrim paraqitje”, edhe pse më parë ai ishte lënë në burg, kjo pasi ndaj tij ka rënë akuza për vrasje. Tashmë, ai akuzohet vetëm për trafik lëndësh narkotike pasi në dosje thuhet se vrasja e 41-vjeçarit ka ndodhur në kushtet e vetëmbrojtjes, duke e liruar me detyrimin për t’u paraqitur dy herë në muaj.

“Nisur nga provat e siguruara në vendngjarje dhe dëshmitë e personazheve të përfshirë, prokuroria ka dalë në konkluzionin paraprak se Bledar Toçi nuk e vrau Haxhollin për vetëmbrojtje, ndaj për këtë shkak ndaj zyrtarit të burgjeve është ngritur akuza e vrasjes me dashje”- thuhej në dosje.

Për më shumë bëhu pjesë e grupit më viral në Facebook, Dosja.al

Ngjarja e rëndë ka ndodhur vitin që lamë pas në një banesë duplex në qytetin e Kavajës. 41-vjeçari Haxholli u vra me armën e shërbimit të efektivit të sigurisë së burgjeve Bledar Toçit, në apartamentin e Marsida Qatjas. Ngjarja ka ndodhur pikërisht kur në dhomën ngjitur flinte djali i saj 2-vjeç, që shpërtoi mrekullisht pa asnjë lëndim. Ndërsa i plagosur mbeti edhe vetë Toçi.

Fillimisht ngjarja u raportua si një krim pasioni, pasi Marsida deklaroi se ishte ngacmuar vazhdimisht nga viktima dhe prandaj kishte thirrur Toçin që ta ndihmonte. Më pas protagonistja e ngjarjes ndryshoi versionin dhe pranoi se kishte marrë rreth 20 milionë lekë të vjetra si shpërblim për të mbyllur gojën për trafikun e drogës që ndodhte në banesën e saj dhe se për ‘biznesin’ ishte në dijeni dhe bashkëshorti i saj.

(k.m/dosja.al) 

Shto Koment