VLORË– Disa persona janë shoqëruar nga Policia e Vlorës. Burime nga grupi hetimor bënë me dije për Dosja.al se të shqëruarit janë marrë në pyetje dhe dëshmia e tyre do të zbardhë detaje të reja në lidhje me vrasjen e mbushur me mister të Kreshnik Dashajt.
Gjithashtu mësohet se janë mbledhur edhe disa kamera sigurie pranë vendit ku është gjetur trupi i pajetë i Dashajt, që mund të zbardhë përfshirje të përsonave të tjerë apo ndonjë filmim të autorëve.
Ndërkohë bëhet me dije se çështja tashmë ka kaluar në dorën e prokurorisë së Krimeve të Rënda.
Kreshnik Dashaj u la i vdekur pak pas mesnatës së djeshme, pranë banesës së tij teksa persona ende të paidentifikuar e kishin qëlluar me armë zjarri në shpatull. Fillimisht u raportua se 34-vjeçari kishte ndërruar jetë për shkak të problemeve me zemrën, por eksepertiza e plotë mjeko-ligjore, zbardhi plumbin në shpatull.
(f.m/dosja.al)
