Ilir Selmani
TIRANË– Detaje të reja janë zbuluar nga arrestimi i Ilir Selmani pasditen e sotme në zonën e Xhamllikut në kryeqytet. Burime për Dosja.al bëjnë me dije se Selmani, i njohur gjithashtu me nofkën “boksieri” është arrestuar nga efektivët e “Shqiponjave” në rrugën Endri Keko.
35-vjeçari në momentin e arrestimit është kontrolluar dhe në trup i është gjetur një armë zjarri, tip pistoletë. Nuk dihet nëse me pistoletën e mbante me vete për vetëmbrojtje apo kishte planifikuar ndonjë sulm, edhe pse këto kohë rrugët e vendit patrullohen jo vetëm nga Policia por edhe nga Ushtria.
Selmani, prej 8 muajsh ishte në kërkim nga Policia pasi akuzohej si pjesë e grupit që vrau ish-efektivin e Policisë, Santiago Malkon. Sipas të dhënave në dosjen hetimore, Selmani, ka kthyer makinën në momentin që e ka udhëzuar Leonard Duka. Duka i ka kërkuar Ilir Selmanit që të kthente automjetin sepse më në fund kishte arritur ta identifikonin dhe lokalizonin objektivin e tyre, Malkon.
(k.m/dosja.al)
