Aktualitet

Vrasja e Eglantinës me urdhër të babait, flasin i fejuari dhe i dashuri. Dëshmitë TRONDITËSE të dy meshkujve: Familja e saj nuk më donte…nuk qëndrova asnjë ditë me të

I dashuri dhe i fejuari i Eglantina Bucit kanë dëshmuar para grupit hetimor aty ku kanë treguar detaje të reja në lidhje me ngjarjet që kanë ndodhur në vitin 2012-të.
Featured image of article: Vrasja e Eglantinës me urdhër të babait, flasin i fejuari dhe i dashuri. Dëshmitë TRONDITËSE të dy meshkujve: Familja e saj nuk më donte…nuk qëndrova asnjë ditë me të Eglantina Buci

TIRANE– Për rastin e Eglantina Bucit, që u vra në vitin 2012 nga i vëllai me urdhër të babait në ‘Malin me Gropa’ pasi kjo e fundit po largohej nga shtëpia pa dëshirën e tyre për të bashkëjetuar me atë që donte, dalin detaje të reja dita ditës.

Gazetari Elton Qyno ka sjellë dëshmitë e të fejuarit dhe të dashurit të cilët janë paraqitur përpara grupit të hetimor.

Bashkëjetuesi i 23 vjeçares (në atë kohë) ka deklaruar se ai është takuar me familjen e të ndjerës mirëpo ata nuk ishin dakord me lidhjen e tyre. Ai rrëfeu se hoqi dorë nga lidhja pasi e detyruan familjarët e vajzës. Kështu i ati e fejoi të ndjerën me ose pa dëshirë me një tjetër person.

Ky i fundit ka treguar se asnjëherë nuk kanë qëndruar bashkë me Eglantinën, megjithëse familja gjatë një takimi i kishte shpallur të fejuar.

Për më shumë bëhu pjesë e grupit më viral në Facebook, Dosja.al

“Mos më vrit, më fejoni me kë të doni”, janë fjalët e Eglantinës para se të vritej me plumb në ballë nga vëllai i saj në prani të dëshmitarit të penduar.

Sipas gazetares Klodiana Lala, 23-vjeçarja ishte larguar nga shtëpia për t’u martuar me një djalë me emrin Lorenc, lidhje kjo që familja nuk e aprovonte. “Ndihmë”, kjo ka qenë fjala e fundit e Eglantina Bucit e cila u qëllua për vdekje nga i vëllai Shkëlzen Buci. Pas krimit i vëllai ndaloi në një lavazh në Tiranë dhe lau makinën me të cilën udhëtoi drejt Malit me Gropa.

(A.B)/Dosja.al

Shto Koment