Politike

DENONCIMI/ Vojo Bregu: Bashkia Vorë ka hartuar listë me  244 me pretendim se janë pekur nga termeti, KLSH të nisë urgjentisht një hetim administrativ

Në një deklaratë për mediat, Bregu se Bashkia ka hartuar në listë të re me 244 banesa me pretendimin se janë prekur nga tërmeti i 26 nëntorit. Sipas tij lista i është dërguar para 10 ditësh për miratim Institutit të Ndërtimit me qëllimin e vetëm, përfitimin e dëmshpërblimit fiktiv pak ditë para zgjedhjeve të 25 prillit.
Featured image of article: DENONCIMI/ Vojo Bregu: Bashkia Vorë ka hartuar listë me  244 me pretendim se janë pekur nga termeti, KLSH të nisë urgjentisht një hetim administrativ Vojo Bregu

TIRANË- Koordinatori i Lëvizjes Socialiste për Integrim në Vorë, Vojo Bregu, ditën e sotme ka bërë një denocim duke thënë se Bashkia Vorë, vijon abuzimet në lidhje me procesin e rindërtimit.

Në një deklaratë për mediat, Bregu tha se Bashkia ka hartuar në listë të re me 244 banesa me pretendimin se janë prekur nga tërmeti i 26 nëntorit. Sipas tij lista i është dërguar para 10 ditësh për miratim Institutit të Ndërtimit me qëllimin e vetëm, përfitimin e dëmshpërblimit fiktiv pak ditë para zgjedhjeve të 25 prillit.

Bregu, i ka bërë thirrje SPAK, që të zbardh aferat elektorale me rindërtimin në Vorë dhe në të gjithë Shqipërinë. Po ashtu ai thotë se KLSH, duhet të nisë urgjentisht një hetim administrativ, lidhur me shpërdorimin e parave te taksapaguesve shqiptare,

DEKLARATA E PLOTË 

Rezultatet finale të zgjedhjeve në kohë reale dhe të përditësuara nga burimi zyrtar KQZ këtë vit do të mund ti ndiqni në Dosja.al. Kliko për të parë platformën.

Përshëndetje!

Jemi këtu sot sërish për të denoncuar publikisht abuzimet e vazhdueshme të Bashkisë së Vorës me procesin e rindërtimit me qëllim deformimin e votës së qytetarëve të kësaj bashkie. Në kundërshtim me ligjin, kjo bashki ka hartuar një listë totalisht të re me 244 banesa me pretendimin se janë prekur nga tërmeti i 26 nëntorit.
Kjo listë, i është dërguar para 10 ditësh për miratim Institutit të Ndërtimit me qëllimin e vetëm, përfitimin e dëmshpërblimit fiktiv pak ditë para zgjedhjeve të 25 prillit.
Falenderojmë punonjësit e ndershëm të Bashkisë së Vorës, të cilët na kanë inrfomuar mbi këtë masakër elektorale që po përgatitet, dhe në të njëjtën kohë i bëjmë thirrje kryetarit të pazgjedhur të kësaj bashkie që të heqë dorë nga skemat për deformimin e vullnetit të qytetarëve të Vorës. Gjithashtu, i bëjmë thirrje SPAK-ut që në këtë kohë të rëndësishmë për fatet e Shqipërisë, të angazhohet maksimalisht dhe seriozisht për zbardhjen e këtyre aferave elektorale me rindërtimin në Vorë dhe në të gjithë Shqipërinë. Për SPAK, do të mjaftonte që oficerët e policisë gjyqësore, të shikonin fizikisht dosjet e rindërtimit, për të kuptuar që abuzimet me objekt tjetërsimin e votës së qytetarëve janë evidente. Po ashtu kërkojmë nga KLSH, që të nisë urgjentisht një hetim administrativ, lidhur me shpërdorimin e parave te taksapaguesve shqiptare, për qëllime pastërtisht elektorale, jo vetëm në Vorë, por dhe në Kavaje, Durrës, Kruje, Shijak.
Për Lëvizjen Socialiste për Integrim, vota është e shenjtë, dhe ne nuk do të reshtim së denoncuari çdo fakt ose provë që do të kemi gjatë kësaj periudhe zgjedhore.
Lëvizja Socialiste për Integrim, garanton të gjithë qytetarët e prekur nga tërmeti, se pas 25 prillit e drejta do të shkojë aty ku i takon dhe të gjithë ata që janë prekur nga tërmeti do të dëmshpërblimin e merituar dhe garantojmë që zyrtarët që kanë abuzuar, do të marrin ndëshkimin e merituar.

(a.k.dosja.al)

Etiketa:

Shto Koment