Aktualitet

Atentati me 15 plumba në Vlorë/ Zbulohet lidhja familjare e të plagosurve, 36-vjeçari ka marrë mbiemrin e gruas, pse u fut në burg Nikollaq Çepaj

Nikollaq Çepaj është kunati i Roland Çepajt. 36-vjeçari ka marrë mbiemrin e gruas.
Featured image of article: Atentati me 15 plumba në Vlorë/ Zbulohet lidhja familjare e të plagosurve, 36-vjeçari ka marrë mbiemrin e gruas, pse u fut në burg Nikollaq Çepaj Nikollaq Çepaj.

Vlorë- Detaje të reja kanë dalë nga atentati i djeshëm ndaj Nikollaq Çepajt dhe kunatit të tij, Roland Çepajt në Vlorë, ku këta dy të fundit ngelën të plagosur. Burime për Dosja.al bëjnë me Nikollaq Çepaj është i martuar me motrën e Ronaldit dhe ka marrë mbiemrin e bashkëshortes së tij. Mbiemri i tij i parë është Taullaraj. Ky atentat ndaj tij u bë pak ditë pasi ka dalë nga burgu.

Për çfarë u arrestua Çepaj?

Nikollaq Çepaj (Taullaraj) u arrestua nga Policia më 16 maj 2018  pasi plagosi brenda ambienteve të një lokali 34 vjeçarin e  quajtur Eraldo Lezajn.  Në momentin e ndalimit nga policia Nikollaq Çepajt  iu sekuestrua arma që kreu plagosjen dhe 1 automjet tip BMW X5 me targa AA838DS.

Për më shumë bëhu pjesë e grupit më viral në Facebook, Dosja.al

Ditën e djeshme, në lagjen ‘Bashkimi’ të qytetit të Vlorës iu bë atentat me kallashnikov, Nikollaq Çepajt (Taullaraj) 36-vjeç, që kishte vetëm tre ditë që kishte dalë nga burgu dhe kunatit të tij, Ronald Çepaj 27 vjeç. 36-vjeçari ishte ulur në një kafe së bashku me kunatin e tij, ndërsa autori e kishte monitoruar duke e ndjekur me kujdes dhe në momentin që ra errësira u afrua përpara lokalit, uli xhamin e makinës dhe  lëshoi breshërinë e kallashnikovit drejt tavolinës.  Nikollaq Çepaj ndodhet në gjendje të rëndë në spitalin e Traumës, pasi e kapën 5 plumba, njëri prej tyre në kokë. Ndërsa kunati i tij Ronald Çepaj ka marrë 2 plumba në të dyja këmbët, por gjendja e tij është jashtë rrezikut për jetën.Dëshmitarët deklaruan se autori ishte brenda një makine tip “Benz”, me mjekët dhe kapele dhe se pas atentatit   u largua me shpejtësi. Dy orë më vonë, në aksin e vjetër Vlorë-Fier u gjet makina e djegut e autorit. Brenda saj edhe një kallashnikov.  Pista e parë ku po hetohet është hakmarrja. Deri më tani janë shoqëruar 10 persona në Polici.

J.V/ Dosja.al 

Shto Koment