Rajoni

AXHENDA/Vjosa Osmani vizitë zyrtare në Bruksel, takim me Varhelyi: Diskutuam rëndësinë e zbatimit të reformave për integrimin e Kosovës në BE

Osmani gjatë vizitës së saj zyrtare pritet që të takojë zyrtarë evropianë për të diskutuar mbi bialogun me Serbinë dhe për proceset integruese të Kosovës në BE.
Featured image of article: AXHENDA/Vjosa Osmani vizitë zyrtare në Bruksel, takim me Varhelyi: Diskutuam rëndësinë e zbatimit të reformave për integrimin e Kosovës në BE Vjosa Osmani

BRUKSEL- Presidentja në detyrë e Kosovës, Vjosa Osmani ka nisur ditën e sotme vizitën e saj dy ditore në Bruksel. Osmani gjatë vizitës së saj zyrtare është takuar me Komisionerin e BE-së për Fqinjësi, Oliver Varhleyi. Gjatë takimit ata kanë diskutuar për rëndësinë e zbatimit të reformave për integrimin e Kosovës në BE.

Presidentja fillimisht do të takohet me Kreun e Parlamentiti Evropian, David Sassoli.  Ajo gjithashtu do të takohet edhe me disa deputet të Parlamentit Evropian si:  Rainer Wieland, zv.presidenti i PE-së, Lukas Mandl (EPP), Viola von Cramon- Taubade, raportuese për Kosovën në PE, Ilhan Kyuchyuk, nga Grupi Renew dhe Andrey Kovatchev, nënkryetar i EPP-së.

Për më shumë bëhu pjesë e grupit më viral në Facebook, Dosja.al

Ndërkohë që më pas Osmani do të takohet edhe me të dërguarin e BE-së për dialogun Kosovë-Serbi, Miroslav Lajçak. Ndërsa ditën e nesërme do të takohet me Presidentin e Dhomës së Përfaqësuesve Eliane Tillieux dhe me Presidenten e Senatit të Belgjikës Stephanie D’Hose.

(I.A/dosja.al)

  • 14:50

    Vjosa Osmani takohet me Presidentin e Parlamentit Europian

     

    Ushtruesja e detyrës së Presidentit të Kosovës, Vjosa Osmani, është pritur në Bruksel nga Presidenti i Parlamentit Evropian, Davis Sassoli, njofton Insajderi. Osmani në këtë vizitë dy-ditore në kryeqendrën evropiane është takuar fillimisht me Komisionerin për Zgjerim dhe Fqinjësi të Bashkimit Evropian, Oliver Varhelyi. Dyert e këtyre takimeve ishin të mbyllura për medie. Ndërsa në mbrëmje, Osmani pritet të jetë mysafire e emisarit të BE-së, Miroslav Lajçak, ndërmjetësues në dialogun Kosovë-Serbi. Në vizitën dyditore në Bruksel, Osmani do të takohet edhe me deputetët e Parlamentit Evropian që janë në Grupin e Miqësisë së Kosovës në Parlamentin Evropian: Rainer Wieland, zv.presidenti i PE-së, Lukas Mandl (EPP), Viola von Cramon- Taubade, raportuese për Kosovën në PE, Ilhan Kyuchyuk, nga Grupi Renew dhe Andrey Kovatchev, nënkryetar i EPP-së. Në ditën e dytë të qëndrimit në Bruksel, Osmani të mërkurën do të takohet me presidenten e Dhomës së Përfaqësuesve, Eliane Tillieux dhe presidenten e Senatit të Belgjikës, Stephanie D’Hose.

    Vjosa Osmani me presidentin e PE
  • 14:36

    Takimi në Bruksel, Varhelyi/Osmani: Diskutuam rëndësinë e zbatimit të reformave për integrimin e Kosovës në BE

    Presidentja Vjosa Osmani gjatë vizitës 2 ditore në Bruksel ka takuar Komisionerin për Zgjerim të Bashkimit Evropian, Oliver Varhelyi. Pas takimit Osmani ka shkruar në Twitter se është shumë e rëndësishme që Kosova të jetë e vetëdijshme se mungesa e ambicjes mund të dëmtojë rrugën e integrimit në BE.

    “Është e rëndësishme të jemi të vetëdijshëm se mungesa e ambicies ose angazhimit nga secila palë në procesin e integrimit evropian do të thotë që mbështetja dhe besimi i qytetarëve në rrugën e integrimit në BE mund të dëmtohet”,tha Osmani.

    Ndërkohë që nga ana tjetër Varhelyi theksoi rëndësinë e zbatimit të reformave në mënyrë që të integrohet në BE.

    Takim i mirë me Presidenten dhe Kryetaren e Parlamentit në detyrë Vjosa Osmani. Theksuam rëndësinë që Kosova të vazhdojë me zbatimin e reformave të lidhura me Bashikimin Evropian, përfshirë luftën kundër korrupsionit dhe krimit të organizuar, dhe bashkëpunimin në rajon, duke tërhequr përfitimet nga Plani Ekonomik dhe i Investimeve”, shkruan Varhelyi.

Shto Koment