Rajoni

Vjosa Osmani shërohet nga Covid-19 dhe rikthehet në presidencë:  Isha me fat që e kalova por jo të gjithë e kanë këtë 

Më tej, është shprehur se shumë persona nuk kanë fatin e saj dhe kanë humbur jetën nga ky virus duke lënë shumë familjarë të pikëlluar mbrapa.
Featured image of article: Vjosa Osmani shërohet nga Covid-19 dhe rikthehet në presidencë:  Isha me fat që e kalova por jo të gjithë e kanë këtë  Vjosa Osmani

KOSOVË- Presidentja në detyrë e Kosovës, Vjosa Osmani është shëruar nga Covid-19. Lajmin e ka bërë të ditur vetë ajo me anë të një video-mesazhi në Facebook. Ajo ka thënë se virusi është kudo dhe se ajo ishte shumë me fat që e kaloi. Më tej, është shprehur se shumë persona nuk kanë fatin e saj dhe kanë humbur jetën nga ky virus duke lënë shumë familjarë të pikëlluar mbrapa. Në fund ajo u shpreh se këtë fundvit do të reflektojnë dhë të vlerësojnë persona që duan në shumë në jetë, pasi ata janë motivi për të ecur para në jetë.

“Jam rikthyer në zyre pas një izolimi dyjavor për shkak të virusit Covid-19. Kam bërë thirrje gjithnjë, e tani pas ekperiences time dhe të familjes time me virusin, ju lutem sërish që të bëni kujdes të shtuar e të vazhdueshëm. Tashmë virusi është çdoku. Ne ishim me fat ta luftojmë virusin me sukses, por, fatkeqësisht, ky nuk është fati i të gjithëve. Covid-19 ka lënë shume familje pa më të dashurit e tyre, i ka rrëmbyer ata padrejtësisht pa pasur mundësinë për të dhënë pershendetjet e fundit. Derisa bashkëndjejmë me ata që janë goditur më së shumti, inkurajojmë ata që janë në vijën e parë të frontit me virusin, e nderojmë kujtimin e atyre që nuk janë më në mesin tonë, ky fundvit le të na shërbejë për të reflektuar mbi atë se çfarë çmojmë më së shumti në jetë, çka na bashkon, dhe çka na jep motiv të dalim triumfues ndaj këtij armiku të përbashkët. Të vleresojmë e të jemi falenderues për njërëzit që janë në jetët tona, e mënyra më e mirë për t’u dëshmuar dashurinë e respektin në këto kohë është duke mbajtur distancën, pastruar duart, e duke mbajtur maskën. Të gëzojmë bekimet tona duke treguar kujdes. Duke u kujdesur për veten, kujdesemi edhe për të tjerët. Prandaj, edhe njëherë: distanca, duart, maska! Faleminderit!”, ka thënë ajo.

Për më shumë bëhu pjesë e grupit më viral në Facebook, Dosja.al

Presidentja Osmani është infektuar me Covid-19 në 17 nëntor. Vjosa ka qëndruar ne karantinë në shtëpi për 15 ditë, ku dhe ka marr trajtimin e duhur.

(I.A/dosja.al)

Shto Koment