Bota

Virusi i ri Covid-19/ Franca hap kufirin me Britaninë e Madhe, OBSh-ja mblidhet ditën e sotme për të diskutuar masat që do të merren

Lidhjet ajrore, hekurudhore dhe detare u rihapen, duke lejuar shtetasit e BE-së dhe Britanisë së Madhe të udhëtojnë midis Britanisë dhe Francës, por vetëm nëse kanë një test negativ të koronavirusit, i cili të jetë bërë brenda 72 orëve. 
Featured image of article: Virusi i ri Covid-19/ Franca hap kufirin me Britaninë e Madhe, OBSh-ja mblidhet ditën e sotme për të diskutuar masat që do të merren Foto ilustruese

BRITANI E MADHE-Franca ka hapur ditën e sotme kufirin e saj me Britaninë e Madhe, pasi Komisioni Evropian rekomandoi heqjen e ndalimeve të vendosura për të parandaluar përhapjen e mutacionit të ri.

Sipas mediave të huaja, lidhjet ajrore, hekurudhore dhe detare u rihapen, duke lejuar shtetasit e BE-së dhe Britanisë së Madhe të udhëtojnë midis Britanisë dhe Francës, por vetëm nëse kanë një test negativ të koronavirusit, i cili të jetë bërë brenda 72 orëve.

Ndërkohë, ekspertët nga Organizata Botërore e Shëndetësisë (OBSH) në Evropë do të takohen ditën e sotme për të diskutuar mbi një vendim për muatacionin e ri të Covid-19.

Drejtori i OBSH-së për Evropën, Hans Kluge, shkroi në Twitter se organizata do të diskutojë strategjitë që do të vendosen për udhëtimin, për mallrat dhe për njerëzit, duke marrë parasysh parandalimin e përhapjes së virusit të ri.

Për më shumë bëhu pjesë e grupit më viral në Facebook, Dosja.al

“Organizata do të diskutojë strategjitë për testimin, zvogëlimin e transmetimit dhe komunikimin e rreziqeve. Zinxhirët e furnizimit për mallrat dhe udhëtimet thelbësore duhet të mbeten të mundshme,”-ka thënë ai.

Dhjetëra vende kanë ndërprerë lidhjet e udhëtimit me Britaninë e Madhe që kur qeveria atje njoftoi për masa shtesë në Londër dhe Anglinë juglindore gjatë fundjavës, për shkak të përhapjes së shpejtë të variantit të ri të koronavirusit, i cili u identifikua për herë të parë në shtator. Ndërkohë që Franca lehtësoi kufizimet e udhëtimit, Gjermania e zgjati deri më 6 janar masën e ndalimit të udhëtimeve me Mbretërinë e Bashkuar dhe Afrikën e Jugut.

(k.a/dosja.al)

Shto Koment