Aktualitet

Virusi ekziston! Shkëlzeni, shqiptari që jeta i dha një mundësi të dytë, ra në koma pasi u fut në respirator

Përmes një statusi në rrjetet sociale, Robelli shkruan se virusi ekziston dhe se Shkëlzeni ka arritur të dalë nga koma që është futur për shkak të koronavirusit.
Featured image of article: Virusi ekziston! Shkëlzeni, shqiptari që jeta i dha një mundësi të dytë, ra në koma pasi u fut në respirator Shkëlzeni

TIRANË– Enver Robelli, gazetari dhe publicist shqiptar ka publikuar historinë e një burri të quajtur Shkëlzen.

Përmes një statusi në rrjetet sociale, Robelli shkruan se virusi ekziston dhe se Shkëlzeni ka arritur të dalë nga koma që është futur për shkak të koronavirusit.

Robelli shkruan se Shkëlzeni për pak vdiq dhe se kjo është një histori që duhet t’i frymëzojë njerëzit dhe t’i bëjë ata të respektojnë masat mbrijtëse.

Për më shumë bëhu pjesë e grupit më viral në Facebook, Dosja.al

Shkrimi i plotë i Enver Robellit

Të dielën gazeta zvicerane «NZZ am Sonntag» ka botuar një tekst për Shkëlzenin. Ai është një kosovar. Punon në aeroportin e Zürichut. Është infektuar me virusin Covid-19. Ky 47-vjeçar i ka humbur 27 kilogramë gjatë ballafaqimit me sëmundjen. Ka qëndruar 6 javë në spital. Pastaj i ka kaluar tri javë në një qendër rehabilituese. Dhe ende nuk e ka marrë veten. 14 ditë Shkëlzeni ka qenë në respirator, i cili ia ka mbushur mushkëritë me ajër. Ka qëndruar në komë artificiale, 14 ditë. Skena kur familja përmes telefonit përpiqet ta zgjojë nga koma – është tronditëse dhe vështirë e durueshme edhe për ta lexuar. Dialogu me familjen. Tmerri dhe shpresa se njeriu buzë vdekjes po i kthehet jetës… Një tekst për të gjithë ata që mendojnë se Covid-19 është hajgare. «Sa të jem gjallë u jam mirënjohës mjekëve. Nuk besoj se do të kisha mbijetuar në një vend tjetër», thotë Shkëlzeni. Në Zvicër një trajtim i tillë është i mundur. Por as këtu nuk ka garanci për shpëtim. Sidomos për të moshuarit. Shkëlzeni është 47-vjeçar dhe për pak vdiq… Për të gjithë njerëzit në viset shqiptare: ndryshojeni komplet stilin e deritanishëm të jetës. Kthejuni natyrës dhe sa të jetë e mundur edhe vetmisë. Mbajeni distancën. Nuk bëhet hataja nëse nuk pini kafe në kafeterinë ku keni kaluar jetën. Mund të blini aty kafen dhe ta pini në shtëpi, për shembull. Shokët e shoqet mund t’i doni e respektoni edhe nëse mbani distancë dy metra ose pesë. Mbroni të moshuarit. Virusi godet mushkëritë. Ambicia e virusit është të shkatërrojë mushkëritë kur të futet në organizëm. Mjekia zvicerane që e kishte kontrolluar në fillim Shkëlzenin, i kishte thënë: rri 10 ditë në shtëpi. Kur Shkëlzeni doli nga spitali, asaj i rrodhën lotët. Ajo as nuk deshi të flasë me gazetën. Ajo thjeshtë ishte e tronditur që e kishte këshilluar pacientin të rri në shtëpi 10 ditë dhe nuk e kishte dërguar në spital menjëherë. Ajo është arsyetuar se nuk ka pasur njohuri të duhur për sëmundjen. Shkenca nuk ka ende përgjigje definitive për virusin. Andaj nuk mund të priten vendime vizionare nga mjekët. Ndihmoni mjekët që ata pastaj t’ju ndihmojnë juve. – Ata që dinë gjermanisht, patjetër ta lexojnë këtë shkrim. Shkrimin për kthimin e Shkëlzenit në jetë.

(f.m/dosja.al)

Shto Koment