Editorial

SHËNIM: Sot u shënua vdekja e parë nga Covid-19, a janë marrë të gjitha masat që duhen?!

Një gabim i ngjashëm me atë të spitalit të Cogdognos, në veri të Italisë, ku pacienti Italian 28- vjecar u bë përhapësi i virusit edhe nëpërmjet mjekëve dhe infermierëve.
Featured image of article: SHËNIM: Sot u shënua vdekja e parë nga Covid-19, a janë marrë të gjitha masat që duhen?!

TIRANË- Sot u shënua viktima e parë e Coronavirusit. Një 75- vjeçare, që kishte qenë në Itali dhe ishte kthyer në Sukth. Që aty u shtrua në spitalin e Durrësit, ku u vendos në një dhomë me 9 pacientë të tjetë, pasi mjekët e kuronin për pneumoni.

Një vajzë shërbente për të dyja, infermieret dhe mjekët pa masa mbrojtëse gjithashtu. Derisa u kuptua që ishte çovid-19. Ndërkohë, kontaktet në Sukth, familja e pacientes që ndau dhomën, bashkë me vajzën që shërbente dhe personeli spitalor që i shërbeu, kanë dalë dhe kanë takuar të tjerë njerëz. Madje mjekët dhe infermierët kanë kontaktuar edhe pacientë të tjerë. Një njollë dyshimi që rritet.

Një gabim i ngjashëm me atë të spitalit të Cogdognos, në veri të Italisë, ku pacienti Italian 28- vjecar u bë përhapësi i virusit edhe nëpërmjet mjekëve dhe infermierëve.

Nuk është për panik, por ata që kanë kontaktuar me një nga këto kategori, patjetër duhet të vetëkarantinohen për 2 javët në vazhdim. Qeveria dhe i gjithë zinxhiri i emergjencës, do të ndihmonin qytetarët nëse do t’i ndërgjegjësonin për këto rreziqe. Ata kanë zgjedhur rrugën e kontaktimit në telefon, ose nëpërmjet pushtetit lokal, por kjo mënyrë nuk i përfshin të gjithë. Mentaliteti autoritar i kontrollit të frikës nga qeveria, mund të infektojë më shumë.

Mentaliteti i ideatorit të kësaj sjelljeje autoritare mund të bëjë kërdinë, nëse mesazhet e tij do të dëgjoheshin nga njerëzit.

Për më shumë bëhu pjesë e grupit më viral në Facebook, Dosja.al

Vetëm 30 minuta pasi u shënua viktima e parë, doli në ekran për t’u thënë njerëzve të mos shohin Televizionet, se përhapin panik. Dhe këtë mesazh e dha në televizione. Televizionet me bujari ia dhanë hapësirën nje njeriu që po kërkonte mbylljen e tyre dhe zëvendësimin me ERTV.

Nëse një moment do të ndodhte që njerëzit ta dëgjonin dhe të informoheshin nga ERTV, nuk do të kishin marrë vesh që maskat ishin të skaduara dhe nuk kanë asnjë efekt, nuk do të dinin që tashmë ka 4 vatra infeksioni, në 4 qytete të ndryshme, 3 prej të cilave janë qytetet më të mëdha në vend, Tirana, Durrësi dhe Elbasani. Nuk do ta merrnin mesazhin që japin mediat e pavarura për vetëizolim, për të ndjekur gjurmën dhe për t’u bërë i vetëdijshëm që kontakti me një nga kontaktet, direkt ose indirekt mund të ketë shpërndarë virusin. Nëse mediat e fryjnë rrezikun, përhapin panil, do të ishte lehtësuese për qeverinë që po jep mesazhin e duhur të qëndrimit në shtëpi. Nëse dëgjohet Rama nuk do ishte amplifikuar asnjë mesazh parandalues.

Reagimi i kryeministrit ndaj kritikëve tregon vetëm se i fshihet përgjegjësisë. Nëse opozita denoncon maskat e skaduara, reagimi i Kryeministrit nuk mund të jetë përgënjeshtrimi, investimi personal për të përgënjeshtruar një fakt, por pranimi i fajit dhe zëvendësimi i maskave. Mbrojtja e bën atë bashkëfajtor, ul besimin e njerëzve dhe shton panikun.

Kërkesa për izolimin e të moshuarve dhe vetëkarantinimin, edhe gjoba 5 mijë euro për ata që nuk vetëkarantinohen, janë masa të domosdoshme, por jo gjithmonë të realizueshme. Ka familje që nuk mund të izolojnë të moshuarit dhe as të dyshuarit si të prekur. Në kushtet e vështira ekonomike nuk mund t’i marrin masat. A ka ndonjë ofertë qeveria për këto raste? Po bashkitë? Nëse do ta njihni mirë situatën, tashmë do të kishin dhënë një alternativë.

(Dosja.al)

Një Koment në “SHËNIM: Sot u shënua vdekja e parë nga Covid-19, a janë marrë të gjitha masat që duhen?!

  1. Ju qenkeni varikarsa

Shto Koment