Politike

Videoja e bujshme Meta-Prifti, Dvorani: Kisha rezerva për procesin, provat nuk u shqyrtuan të gjitha…

I ftuar në emisionin ‘Java’ në RTSH, Dvorani u shpreh se i ka dhënë hakun kujtdo sipas ligjit, por që ka psur rezerva për procesin gjyqësor që u zhvillua, sepse sipas tij, provat nuk u shqyrtuan të gjitha, seancat me dëshmitarë nuk u kryen të gjitha, ekspertiza amerikane ishte e vlefshme, ndërsa ajo shqiptare, e padenjë.
Featured image of article: Videoja e bujshme Meta-Prifti, Dvorani: Kisha rezerva për procesin, provat nuk u shqyrtuan të gjitha… Ardian Dvorani, Ilir Meta dhe pjesë nga videoja

TIRANË– Ardian Dvorani është kthyer pas në kohë dhe ka komentuar vendimin për pafajësi ndaj Ilir Metës, që ai mori pas gjyqit për çështjen e videopërgjimit me Dritan Priftin.

I ftuar në emisionin ‘Java’ në RTSH, Dvorani u shpreh se i ka dhënë hakun kujtdo sipas ligjit, por që ka psur rezerva për procesin gjyqësor që u zhvillua, sepse sipas tij, provat nuk u shqyrtuan të gjitha, seancat me dëshmitarë nuk u kryen të gjitha, ekspertiza amerikane ishte e vlefshme, ndërsa ajo shqiptare, e padenjë.

Ai është një vendim prej 100 e ca faqesh. Prej tyre 26 faqe është mendimi im që është ndryshe nga pjesa tjetër e trupës gjykuese. Por ka një parim. Për aq kohë sa nuk është provuar fajësia, gjyqtari nuk mund të japë vendim ndryshe. Gjyqtari është i ftohtë, mund të gjykojë jashtë seancës çfarë të dojë. Por në seancë merr vendim mbi materialet e dosjes. E kam thënë se isha pro pafajësisë, por kisha rezerva për të gjithë procesin. Provat nuk u shqyrtuan të gjitha, seancat me dëshmitarë nuk u kryen të gjitha, ekspertiza amerikane ishte e vlefshme, ekspertiza shqiptare ishte e padenjë e kështu me radhë. E dini ju që Gjykata e Lartë në atë kohë nuk e pa dhe nuk e dëgjoi atë që panë të gjithë? Në sallë nuk u pa dhe nuk u dëgjua,”– tha Dvorani, ndër të tjera.

Për më shumë bëhu pjesë e grupit më viral në Facebook, Dosja.al

Presidenti Ilir Meta u akuzua në vitin 2011 për korrupsion në kohën kur ai kryente detyrën e zëvendës kryeministrit dhe ministrit të jashtëm, akuzë e ngritur në bazë të një video të regjistruar nga ish-ministri i ekonomisë Dritan Prifti më 1 mars 2010. Videoja bëri bujë në kohën që u publikuar dhe biseda e regjistruar mes Metës dhe Priftit, u bë virale.

Videoja u bë publike në emisionin Fiks Fare. Meta doli në konferencë dhe tha që videoja ishte një montazh nga Edi Rama, ndërsa Prifti deklaronte se nuk kishte ndërhyrë. Çështja u mbyll dhe Meta mori pafajësinë.

(f.m/dosja.al)

Shto Koment