Kryemadhi në Jalë
JALË -Kryetarja e LSI, Monika Kryemadhi ishte mbrëmjen e djeshme në Jalë, destinacionin e përvitshëm të LRI. Në një video të siguruar nga “Newsbomb”, Kryemadhi shfaqet e veshur me përparëse, teksa po gatuan nën ritmet e këngës së Anila Mimanit, “Do digjesh zjarr”.
Kryemadhi vendosi t’i futet vetë punëve, duke filluar nga larja e enëve dhe gatimi i hasudes. Kryetarja e LSi u angazhua me punë deri në 02:00 pas mesnate, duke dhënë shembull për të rinjtë e LRI.
Në aktivitet ishte e pranishme edhe ish-drejtoresha e Tatimeve, Briseida Shehaj. Kjo e fundit postoi në Instagram një foto me Kryemadhin, duke zbuluar që kryetarja e LSI po gatuante hasude.
Kjo nuk është hera e parë që Kryemadhi tregon pasionin për gatimin. Edhe gjatë karantinës ajo postonte foto, duke gatuar për familjen.
(g.sh./dosja.al)
