Politike

VIDEO/ “Silleni këtu atë të ziun, ju dua shumë ju romëve”, binjaku që u mashtrua nga Rama i qahet Bashës: Më çoni jashtë, ngela me qira, e takova edhe vetë, na largoni…

  • “Ku shkoi ai i ziu, silleni këtu”, Rama tregon hapur racizmin në Laç: Ju kam qejf se bëni jetë dhe hare.
  • Në Laç, kreu i opozitës takoi edhe një banor të komunitetit rom, të cilit Edi Rama, i premtoi dy ditë më parë se do t’i jepte zgjidhje problemit të tij me bonusin e qirasë.

    LAÇ- Banorët në Laç kanë denoncuar tek Kryetari i Partisë Demokratike diskriminimin e tyre nga qeveria dhe bashkia, duke i lënë ata pa strehim, pa ndihma dhe pa bonus qiraje. Shumë banorë të Laçit po ndihmohen nga Kisha e Laçit. “Me çuan në Shëngjin, por atje nuk kishte dhoma dhe më thanë rri në oborr jashtë”, u shpreh një zonjë e moshuar, e cila, bashkë me një tjetër, pohon se bamirësja e vetme është Kisha.

    Vetë objekti i kultit në Laç ka pësuar disa dëmtime, por askush nuk i është gjendur për të verifikuar situatën apo për të marrë në mbrojtje objektin 100 vjeçar. “Ekspertët e kanë parë pak, por thonë që nuk ka lekë. Ne na intereson më shumë të mos prishet dhe të zërë njerëzit brenda, se lekët”- thotë padre Ndue Toplana, në kishën e të cilit strehohen dhe ushqehen shumë banorë.

    Edhe një banor i Shullazit dëshmoi për braktisjen nga shteti. “nuk ka organizim fare nga Bashkia, nuk na parë askush”- u shpreh ai, ndërsa një zonjë tjetër në moshë thotë se nuk jeton më në banesë e saj të dëmtuar, por nuk ka marrë akoma një vërtetim me shkrim për sigurinë e banesës.

    Në Laç, kreu i opozitës takoi edhe një banor të komunitetit rom, të cilit Edi Rama, i premtoi dy ditë më parë se do t’i jepte zgjidhje problemit të tij me bonusin e qirasë. Ferdinand Rexhepi, i tregoi zoti Basha se problemi i tij vazhdonte të mbetej i pazgjidhur, megjithë premtimin e Ramës. “Deri dje kryeministri tha se do të të paguajmë qiranë, bëra edhe takim me të, por asgjë. Mbase nuk duan t’ia dinë për romët, por të na largojnë, të paktën, na nxirrni jashtë shtetit”- u shpreh banori i revoltuar.

    “Ti je shqiptar si gjithë shqiptarët e tjerë dhe shteti ka ndaj teje çdo detyrim që ka ndaj çdo shqiptari tjetër. Ajo që thua se “jam rom”, nuk ka të bëjë. Kjo që po të ndodh ty, po i ndodh të gjithëve në laç. Kam takuar mbi 50 vetë deri tani, asnjëri nuk ka marrë ndihmë nga shteti. Nuk ka lidhje rom apo jo rom. Këtu ka diskriminim ndaj Laçit, në tërësi dhe ka papërgjegjshmëri dhe dështim total. Prandaj kam ardhur. Të shoh gjendjen, të ngre zërin për ju dhe të bëj ç’është e mundur të ndryshojë situata sa më parë”- u shpreh Basha.

    Pak ditë më parë, kryeministri Edi Rama, teksa takoi nga afër banorët e Laçit, është treguar hapur racist, pasi ka quajtur ‘të zi’ disa nga banorët e Laçit, të cilët ishin pjesë e komunitetit rom. Ndërsa, diskutonte me pronarin e lokalit ku ul, kryeminsitri thirri një prej anëtarëve të komunitetit rom me epitetin ‘i ziu’, i cili është personi që i kërkoi sot ndihmë Bashës për strehim.

    (a.m/dosja.al)

    Shto Koment