Sport

VIDEO/Real Madrid vuan ndaj Betisit, por Valverde dhe Ramos nxjerrin nga telashet madrilenët

Reali i Madridit gjeti fitoren e parë në kampionat, teksa ia doli të triumfojë me shifrat 2-3 në transfertën andaluziane ndaj Real Betis
Featured image of article: VIDEO/Real Madrid vuan ndaj Betisit, por Valverde dhe Ramos nxjerrin nga telashet madrilenët Real Madrid

SPANJË-Pas barazimit pa gola një javë më parë në transfertën baske ndaj Real Sociedadit, Reali i Madridit gjeti fitoren e parë në kampionat, teksa ia doli të triumfojë me shifrat 2-3 në transfertën andaluziane ndaj Real Betis. Golin e avantazhit për Real Madrid e shënoi Valverde në minutën e 14’ të takimit.

Reagimi i vendasve ishte mjaft i mirë dhe Mandi e Carvahlo shënuan në minutat 35’ dhe 37’ për të përmbysur avantazhin e madrilenëve dhe shkuar në dhomat e zhveshjes me rezultatin 2-1.Megjithatë Reali gjeti golin e barazimit vetëm pak pas startit të pjesës së dytë, kur Emerson shënoi në portën e tij, ndërsa në minutën e 60’ i njëjti futbollist u ndëshkua me karton të kuq dhe la Betisin me një lojtar më pak.

Për më shumë bëhu pjesë e grupit më viral në Facebook, Dosja.al

Madrilenët shfrytëzuan në maksimum epërsinë numerike dhe nisën të sulmojnë vazhdimisht për të gjetur golin e fitores, që erdhi në minutën e 82-të dhe u shënua nga i zakonshmi Sergio Ramos nga pika e penalltisë.

E.Ç (Dosja.al)

Shto Koment