Sport

VIDEO/ Portugalia nuk e diskuton Hungarinë, Ronaldo makineri golash dhe thyen rekordin e Platinisë

Golat e takimit u shënuan nga Guerriero në minutën e 84’ dhe Ronaldo në të 6’ nga pika e bardhë e penalltisë duke thyer edhe rekordin e Platinisë.
Featured image of article: VIDEO/ Portugalia nuk e diskuton Hungarinë, Ronaldo makineri golash dhe thyen rekordin e Platinisë Cristiano Ronaldo
Përditësuar:

HUNGARI– Portugalia ka fituar ndeshjen e Grupit F përballë Hungarisë me shifrat 0-2. Vëmendja maksimale në këtë takim ishte pikërisht te ylli portugez Cristiano Ronaldo, i cili u bë lojtari i vetëm që luan në 5 Europianë të ndryshëm dhe njëkohësisht futbollisti me më shumë ndeshje në këtë kompeticion.

Një pjesë e parë që përfundoi me shifrat 0-0, ndërsa e dyta nisi më mirë për Hungarinë, që gjeti edhe golin e avantazhit, por që u anulua për një pozicion jashtë loje dhe kur dukej se sfida po shkonte drejt barazimit, Fernando Santos bën dy zëvendësime në minutën e 81-të, duke ndryshuar tërësisht performancën e luzitanëve në fushë.

 

Goli i avantazhit nuk vonoi, pasi në minutën e 84-t ishte Raphael Guerreiro që u harrua në zonë dhe theu për herë të parë portierin hungarez Gulasci, ndërsa tre minuta më vonë, arbitri turk Cakir akordoi 11-metërsh për luzitanët.

Nga pika e bardhë shkoi Cristiano Ronaldo, që këtë herë nuk mund të gabonte dhe mposhti për herë të dytë portierin hungarez, duke shkruar një tjetër kapitull të historisë, si futbollisti që ka shënuar më shumë në fazën finale të Kampionatit Europian.

Për më shumë bëhu pjesë e grupit më viral në Facebook, Dosja.al

Hungaria u pa totalisht e dorëzuar pas golit të dytë, ndërsa nga krahu tjetër kampionët në fuqi të Europës nuk e ulën ritmin dhe patën kohë edhe për një gol të tretë, sërish me protagonist Cristiano Ronaldon, që kompleti dopietën personale që në start  duke thyer edhe rekordin e Platinisë. Portugezi ka shënuar 11 gola në kompeticionet europiane, ndërkohë që francezi ishte me 9 realizime.

E.Ç (Dosja.al)

Shto Koment