Sport

VIDEO/Portugalia është super edhe pa Ronaldon, Belgjika dhe Franca ja marrin dorën skandinavëve

Portugalia mori menjëherë kryesimin e Grupit 3 të Ligës A në Ligwn e Kombeve, pasi fitoi me lehtësi 3-1 në “Estadio do Dragao” të Portos Kroacinë
Featured image of article: VIDEO/Portugalia është super edhe pa Ronaldon, Belgjika dhe Franca ja marrin dorën skandinavëve Skuadra e Portugalisë

PORTUGALI-Portugalia mori menjëherë kryesimin e Grupit 3 të Ligës A në Ligwn e Kombeve, pasi fitoi me lehtësi 3-1 në “Estadio do Dragao” të Portos Kroacinë, edhe pse trajneri Fernando Santos nuk kishte në dispozicion Cristiano Ronaldon. Luzitanët, të udhëhequr në sulm nga “ylli” i Atletico Madridit, Joao Felix, shkuan në dhomat e zhveshjes për pushimin mes pjesëve në epërsi të një goli, që u shënua në minutën e 41-të nga Cancelo.

Pa u mbushur çerek ore lojë nga fillimi i fraksionit të dytë, dyfishoi shifrat Jota, ndërsa Felix vulosi fitoren në minutën e 70-të, me golin e Petkovicit në shtesë që vlejti vetë për statistikë. Para vërshëllimës së trefishtë të kryesorit pati kohë për golin e katërt të Portugalisë. Që u shënua nga Andre Silva.Kroacia ishte e pafuqishme për të ndryshuar rrjedhën e lojës, duke u pajtuar në fund me këtë humbje të thellë, që mund të lëkundë pozitat e trajnerit Dalic.

Për më shumë bëhu pjesë e grupit më viral në Facebook, Dosja.al

Po në Grupin 3 Suedia nuk ia doli të merrte pikë në fushën e saj ndaj Francës. Goli i realizuar nga Kylian Mbappe me një aksion individual, rezultoi vendimtar në përcaktimin e fituesit.Në Grupin 2 të Ligës A Belgjika i tregoi forcën Danimarkës, të cilën e mundi 0-2 në Kopenhagen, me gola të Denayer dhe Mertens.

E.Ç (Dosja.al)

Shto Koment