Politike

‘Shqipëria fiton’: Basha pritet nga qindra qytetarë në Lushnjë: Bashkë do të sjellim ndryshimin!

VIDEO
Basha takoi biznese të prekur nga pandemia dhe qytetarë që kërkojnë ndryshimin. 
Featured image of article: ‘Shqipëria fiton’: Basha pritet nga qindra qytetarë në Lushnjë: Bashkë do të sjellim ndryshimin! Lulzim Basha ne Lushnje
Përditësuar:

LUSHNJE– Kryetari i Partisë Demokratike, Lulzim Basha e ka vazhduar turin elektoral në Lushnje, ku është pritur nga qindra qytetarë. Në një marshim në bulevardin kryesor të qytetit, qindra simpatizantë të Partisë Demokratike, me flamuj kuqezi dhe ata blu, marshuan nën thirrjet “Rama ik”. Basha takoi biznese të prekur nga pandemia dhe qytetarë që kërkojnë ndryshimin.

Për më shumë bëhu pjesë e grupit më viral në Facebook, Dosja.al

(F.g/dosja.al)

  • 13:51

    Basha dëgjon hallet e qytetarëve, burri në Lushnje i "hap zemrën": Rama na largoi me shokë me miq, na la vetëm! Jemi të mbaruar (MOMENTI)


    Lulzim Basha u njoh sot me shqetësimet e qytetarëve lushnjarë të cilët iu ankuan për gjendjen ekonomike ku ndodhen. Në bashkëbisedimin e tij me ta, Basha u prit me ovacione të shumta dhe kërkoi ta mbështesnin në rrugën drejt ndryshimit. Njëri prej tyre iu ankua kryedemokratit se qeveria e ka lënë vetëm.

    Pjesë nga dialogu i Bashës me qytetarët:

    Lulzim Basha: Si jeni?

    Qytetari: Të mbaruar. Kemi mbaruar punë, populli nuk po ka bukë të hajë.

    Lulzim Basha: E shoh padurimin kudo.

    Qytetari: Bukë, bukë nuk po ha ky popull. Ne e kemi harruar fjalën punë fare. Kemi mbaruar punë fare, sa po e them para kamerave këtu, më gënjeu herën e parë turp të ketë, herën e dytë turp të ketë, po herën e tretë turp të kem po të votoj për atë.

    Lulzim Basha: Të lumtë goja! Mbylljani derën të keqes. Janë vendimtare këto zgjedhje, vendimtare për familjen tuaj, për sipërmarrjen tuaj, për fëmijët e Lushnjës e të gjithë Shqipërisë. Pra të votojmë të gjithë bashkë për ndryshimin.

    Qytetari: Na largoi me shokë me miq, na la vetëm.

    Lulzim Basha: Më 25 Prill të gjithë bashkë për ndryshimin. Votoni numrin 9, Partinë Demokratike.

    Në sheshin e qytetit, Basha foli para qytetarëve, duke i falënderuar për mbështetjen që po i japin. Kryedemokrati u shpreh se ndryshimi është në dorën e qytetarëve dhe padurimi për ta bërë realitet shihet në Lushnje dhe në çdo qytet të Shqipërisë.

    “Di që padurimi për ta larguar është i madh, – tha Basha ndër të tjera, – por prapë se prapë dua t’i referohem atyre nënave që takova, atyre zonjave që takova në bulevard, që ma thanë thjesht dhe qartë se ora po vjen, dita po vjen. Lushnjarët do të jenë bashkë dhe do të votojnë bashkë për ndryshimin. Mos harroni se ndryshimi është në dorën tuaj, është në votat e bashkimit tuaj që me 25 prill duhet të jetë shembullor dhe europian.

    Në dorën time dhe në dorën tonë është t’ju përfaqësojmë denjësisht. Në dorën tonë është të rihapim rrugën e Shqipërisë anëtare e Bashkimit Europian, e Shqipërisë me ekonomi që rritet, që  prodhon vende pune, që siguron paga, që e mban rininë këtu afër familjeve tyre duke ju dhënë mundësinë të arsimohen, të punësohen duke risjellë gëzimin në vatrat tona, duke ,larguar stresin, varfërinë dhe papunësinë e këtyre 8 viteve.

    Ndaj e ndiej dhe e kuptoj se ndryshimi për të gjithë ju këtu dhe shumë e shumë të tjerë për shumicën dërrmuese të shqiptarëve, tashmë ka ardhur në zemrat tuaj. Le ta bëjmë realitet me 25 prill votoni Partinë Demokratike për ndryshim. Të gjithë bashkë për ndryshim Lushnja fiton, Shqipëria fiton. Fitore!”

  • 12:52

    Bllokimi i Rinasit, Basha reagon nga Lushnja: Dështimi i një njeriu që vuri veten mbi shqiptarët!


    Kryetari i Partisë Demokratike, Lulzim Basha akuzon kryeministrin Edi Rama se me aeroportin e Rinasit, ka dështuar. Basha tha se kriza e Rinasit është dështimi i një njeriu që vuri interesat e tij mbi ato të çdo shqiptari.

    “Edhe kjo që po ndodh në aeroport është dështimi i një njeriu që ka vënë interesat e tij mbi ato të çdo shqiptari. Dua ti referohem atyre nënave që takova, Ora po vjen, dita po vjen.”-tha Basha në Lushnje.

    Në fjalën e tij, kryedemokrati falenderoi mbështetësit e PD për pritjen që i kanë bërë.

    “Faleminderit për këtë pritje spektakolare. Ju falenderoj. Mbi të gjitha është kjo shprehja e vullnetit tuaj të qindra e mijëra familjeve lushnjare që 25 prilli të jetë dita e ndryshimit. Sot e dëgjova nga zërat e nënave lushnjare që takova gjatë ecjes. Shprehjet burojnë nga zemra, 25 prilli është vendimtar për familjet, nënat dhe baballarët tanë. Zgjedhja është e thjeshtë. Lushnja është varfëruar, çmimet janë rritur, rinia ka emigruar dhe përgjegjësi kërkon edhe 4 vite të tjera.”-tha Basha. 

Shto Koment