Politike

Rama në Berat: Për pak ditë nis puna tek porti i Durrësit, Shqipërinë do ta bëj kampione të turizmit, koalicioni me LSI-në solli kosto të mëdha. Opozita ka ikur për lesh kolektivisht

VIDEO
Kryeministri Edi Rama kërkoi mandatin e tretë nga qyteti i Beratit. Rama tha se pandemia dhe tërmeti i ka lënë të gjitha projektet në mes. Ai shtoi se Shqipërinë do ta bëjë kampione të turizmit. Rama lajmëroi gjithashtu nisjen e punimeve tek Porti i Durrësit për pak ditë, pasi sipas tij, kompania arabe e ka sjellë tashmë projektin e parë. Sulmoi Opozitën.
Featured image of article: Rama në Berat: Për pak ditë nis puna tek porti i Durrësit, Shqipërinë do ta bëj kampione të turizmit, koalicioni me LSI-në solli kosto të mëdha. Opozita ka ikur për lesh kolektivisht

BERAT– Kryeministri Edi Rama kërkoi mandatin e tretë nga qyteti i Beratit me justifikimin se pandemia dhe tërmeti i ka lënë të gjitha projektet në mes. Teksa prezantoi skuadrën e 25 prillit për Beratin, mes tyre edhe Nasip Naço, Rama tha se koalicioni i bërë dikur me Lëvizjen Socialiste për Integrim ishte diçka që solli kosto dhe përçarje mes atyre që u rreh zemra majtas.

Kryeministri pranoi se ka bërë gabime, por shtoi se më kryesorja është që gabimet të mos jenë më të mëdha se gjërat e bukura dhe ato që sjellin zhvillim, teksa shtoi se Shqipërinë do ta bëjë kampione të turizmit. Rama lajmëroi gjithashtu nisjen e punimeve tek Porti i Durrësit për pak ditë, pasi sipas tij, kompania arabe e ka sjellë tashmë projektin e parë.

Kryeministri Edi Rama tha se kryedemorkati Lulzim Basha nuk e meriton të vijë në pushtet me këtë nivel paturpshmërie dhe papërgjegjshmërie. I pranishëm në Berat, Rama tha se Basha del e flet për rënie konsumi, por që sipas tij, fajin nuk e ka pasur qeveria, por pandemia dhe tërmeti.  Kreu i qeverisë ka ironizuar programin e Partisë Demokratike. Rama tha se Basha premton rritjen e djathit pa rritur prodhimin e qumështit dhe u jep sapunin për djathë qytetarëve, teksa shtoi se ata që në mes të periudhës së pandemisë, dalin të takojnë Lulzim Bashën, nuk e kanë problem të hanë sapunin për djathtë.

Për më shumë bëhu pjesë e grupit më viral në Facebook, Dosja.al

Kryeministri Rama e krahasoi sërish kryedemokratin Lulzim Basha me Gjinon tek filmi shqiptar, dhe tha se ai duhet deri në momentin që bëhet dasma. Për Ramën, pasi të mbarojë dasma, vendin e merr në drejtim ish-kryeministri Sali Berisha dhe Presidenti Ilir Meta.

Rama ironizoi premtimet e kryedemokratit Lulzim Basha dhe tha se ai nuk ka asnjë plan por thotë që do sjellë shkencëtarë në Shqipëri në një kohë që nuk duhen. Rama tha se nuk ka dalë të gjejë nuse apo të shesë çitjane, por kujt nuk i pëlqen mund ta ndërrojë kanalin dhe të shohë ata të opozitës. Madje, i ftoi qytetarët që këta të fundit t’i merrnin edhe në shtëpi, por që nëse nuk u shkojnë tu merrnin fotot. Si përfundim, Rama e kondiseroi Opozitën. Një grup që sipas tij ka ikur për lesh kolektivisht.

(f.m/dosja.al)

  • 19:22

    Rama: Për pak ditë nis puna tek porti i Durrësit, kompania arabe ka sjellë projektin…fanti spathi thotë ‘Shqipëria fiton’

    Kryeministri Edi Rama kërkoi mandatin e tretë nga Berati, teksa tha se për pak ditë do të nisë puna për Portin e Durrësit. Përpara skuadrës së 25 prillit, Rama tha se ai ka në dorë projekte që tashmë kanë nisur dhe nuk mund të ndërpriten për kryedemokratin Lulzim Basha. Këtë të fundit, Rama e quajti ‘fanti-spathi’ teksa tha se vjen dhe thotë ‘Shqipëria fiton’ por vendi ynë me të, sipas kryeministri, do fitojë një gërhitje.

    “Këto që them unë janë procese që kanë nisur. Ashtu si porti i madh i Durrësit. Kompania arabe ka sjellë projektin e para dhe për çështje ditësh do të shikoni që ka nisur puna. Unë do ta bëj Shqipërinë kampione turizmi. Por të gjitha këto plane, i gjithë plani për të mbyllur rindërtimin e të mos ngelë më njeri pa shtëpi deri në pranverën e ardhshme, vjen ky fanti spathi dhe thotë ‘Shqipëria fiton’. Çfarë fiton Shqipëria? Shqipëria fiton vetëm një gërhitje,”- tha Rama ndër të tjera.

  • 19:17

    “S’kam dalë të shes çitjane”/ Rama nga Berati: Merrini në shtëpi ata, Lulin te kalamajtë, Saliun te vjehrra, Monikën lëreni në banjo se i ka fiksim

    Kryeministri Edi Rama nuk i ka kursyer edhe batutat me Opozitën nga Berati, duke përfshirë edhe Presidentin Ilir Meta. Rama tha se nuk ka dalë të gjejë nuse apo të shesë çitjane, por kujt nuk i pëëlqen mund ta ndërrojë kanalin dhe të shohë ata të opozitës.

    “S’të pëlqej unë, ndërro kanalin. Unë s’kam dalë as të shes çitjane, as të gjej nuse dhe as të bëj kështu…s’dua fare nuk dua. Të pëlqen Luli? Merre në shtëpi, merre dhe Monikën, Salin e Metën. Nuk të vjen në shtëpi? Merre me foto. Monikën vëre në banjo, se është e dhënë pas banjove, i ka fiksim. Saliun tek dhoma e vjehrrës, Lulin tek kalamajtë, kurse Metën lëre në korridor që mos të mendojnë njerëzit se do rrinë për darkë,”- tha Rama ndër të tjera.

  • 19:12

    Rama: Meta është hata më vete, është çmendur. Basha fle rrugëve, të paktën s’e ngacmon Monika

    Kryeministri Edi Rama është justifikuar sërish me mos përfundimin e projekteve me ardhjen e pandemisë dhe rënien e tërmetit. I pranishëm në Berat, Rama tha se ai kishte bërë shumë palne, por që pandemia dhe tërmeti u ka bllokuar gjithçka.

    “Ti mund të bësh plane, por jeta është ajo që ndodh është kur ti zbaton planet por të vjen një e papritur. Të vjen një tërmet dhe pandemi dhe bllokon gjithçka. Ja sot isha tek një shkollë që ishte në plan për tu ndërtuar, por e kaluam tek shkollat e prishura nga tërmeti. Sot më çuan një video ku Basha flinte gjumë në rrugë. Flinte gjumë ore, ishte në hyrje të Tiranës. Flihet në drekë se s’ke çfarë bën. Kontrollon gjumin tim thotë, jo more. Ti fle rrugëve. Unë të paktën kur fle jam i qetë se nuk e ngacmon Monika. E zuri gjumi Lulin, s’ka problem. U çmend Ilir Meta? S’ka problem se po lëviz hëna. Berati e shqetëson shumë. Shqipëria fiton gërhitje që t’i dëgjojë zhurma me vite me Bashën. Do fitoj shtatë mandate nga gjashtë që janë gjithsej këtu…s’ka problem…,”– tha Rama ndër të tjera.

  • 19:06

    Rama: Do ta bëj Shqipërinë kampione të Ballkanit, për çfarë i do shkencëtarët Basha? Ata nuk bëjnë vaksina

     Kryeministri Edi Rama tha se Shqipërinë do ta bëjë kampione të turizmit. I pranishëm në Berat, Rama ironizoi premtimet e kryedemokratit Lulzim Basha dhe tha se ai nuk ka asnjë plan por thotë që do sjellë shkencëtarë në Shqipëri në një kohë që nuk duhen. 

    “Do marr katër shkencëtarë të huaj thotë ai. Shkencëtarët vërtet shpikin vaksinën, por nuk e bëjnë atë. Për çfarë na duhet? Ky s’ka asnjë plan. Unë do ta bëj Shqipërinë kampione të Ballkanit. Beratin e ka bekuar Zoti. Është një vend që s’ka më mirë për agroturizmin. Nuk kuptohet nga televizori nga klubet e natës të atyre muhabeteve pa lidhje. Shyqyr që Blendi Fevziu doli nga studioja dhe njohu Shqipërinë e më shkruante mua ‘ore e ke parë Beratin, e ke parë këtë e atë’. Jo i thoja unë do kaloj. Para shtatë vitesh nuk kaloje dot, ishte rruga tmerr. Pse ta ndërpresim ne këtë, për të ngrënë më shumë djathë e të pimë më pak qumësht?“- tha Rama ndër të tjera. 

  • 19:02

    Rama: Basha si Gjino, duhet deri në momentin e dasmës, më pas e merr në dorë Saliu e Meta, Presidentit i ka ngelur fjala burg në gojë

    Kryeministri Edi Rama e krahasoi sërish kryedemokratin Lulzim Basha me Gjinon tek filmi shqiptar, dhe tha se ai duhet deri në momentin që bëhet dasma. Për Ramën, pasi të mbarojë dasma, vendin e merr në drejtim ish-kryeministri Sali Berisha dhe Presidenti Ilir Meta.

    “Aq sa hynte Gjino tek ajo martesa, aq hyn dhe Luli në këtë histori. Gjino duhej deri në momentin e dasmës, pastaj e marrin këta të tjerët në dorë, Meta e Saliu. Keni dëgjuar Metën, i është bërë fjala burg si bukë. Është në hall, në stres,”- tha Rama ndër të tjera.

  • 19:01

    Rritje pagash e pensionesh, Rama për programin e PD-së: Njerëzit e hanë sapunin për djathë, ata që dalin të përqafojnë Covid-19 për të pritur Bashën, s’e kanë problem

    Kryeministri Edi Rama ka ironizuar programin e Partisë Demokratike. I pranishëm në Berat, Rama tha se Basha premton rritjen e djathit pa rritur prodhimin e qumështit dhe u jep sapunin për djathë qytetarëvr.

    Por, sipas kryeministrit, ata që në mes të periudhës së pandemisë, dalin të takojnë Lulzim Bashësn, nuk e kanë problem të hanë sapunin për djathtë.

    Programi i tyre është tu bëjnë qefin edhe atyre që janë në punë se ja po u rrisim rrogat, edhe atyre që janë në pension, u thonë që do u rrisin pensionet. Por si mund të rritet prodhimi i djathit, pa u rritur ai i qumështit? Me sapun…dhe njerëzit që shkojnë të përqafojnë Covid-19, e hanë edhe sapunin për djathë, nuk e kanë problem. Unë di që me parashutë mund të zbresësh e jo si këta…këta ofrojnë nga ato parashutat që hidhesh e thyhen hundët kur bien poshtë. Sot më sollën një video ku këndonin, këta nuk këndojnë, këta kanë një thirrje me dy rrokje. Një arsye pse na duhet një mandat i tretë në fakt nuk është për mua. Por është që Shqipëria të fitojë pozicionin dhe të mos kthehet më përmbys. Merreni që nga drejtësia, ka filluar të çelë,”- tha Rama ndër të tjera. 

  • 18:53

    Rama: Basha është i katërti në bronx, ata kanë ikur për lesh kolektivisht, unë kam frikë për jetën e njerëzve

    Kryeministri Edi Rama tha se kryedemorkati Lulzim Basha nuk e meriton të vijë në pushtet me këtë nivel paturpshmërie dhe papërgjegjshmërie. I pranishëm në Berat, Rama tha se Basha del e flet për rënie konsumi, por që sipas tij, fajin nuk e ka pasur qeveria, por pandemia dhe tërmeti.

    Fliste tjetri mbrëmë…atje në emision dhe thoshte…’ka rënë konsumi vjet’. Një rënie të konsumit vjet për shkak të qeverisë dhe bashkive apo për shkak të një goditje që mori gjithë bota dhe mbylljen e shumë aktivitete ekonomike? Ne sot kemi një bashkim forcash reaksionare, forca regresive që pretendojnë që të sjellin ndryshimin dhe sillen sikur këtu të jemi në një situatë normale. Del i pari i tyre, në fakt është i katërti sepse i pari është Saliu, pastaj Meta e Kryemadhi…i katërti në bronz dhe se si mund të marrë drejtimin e  vendit me këtë nivel papërgjegjshmërie dhe paturpësie?

    Me këtë nivel karakteri, ku sot mbrojtja e jetës dhe e shëndeti është mbi të gjitha partitë dhe qëllimet e tjera… Ç’na duhet rezultati i zgjedhjeve nëse bëhemi shkaktar për të plagosur njerëz dhe larg qoftë për të humbur njerëz. Edi Rama ka frikë përpara uraganit, thonë. Cilit uragan? Atë të shkuarjes për lesh kolektivisht. Unë kam shumë frikë për jetën e atyre njerëzve dhe për dëmin që ajo sjellje mund të bëjë në jetën e atyre që nuk janë aty fare. Rama ik, Rama ik po pse? Sepse nuk të mundin dot ata? Prandaj të iki?”– tha Rama.

  • 18:48

    Rama flet për koalicionin me LSI-në: Nasipi është pjesë e një borxhi se na ka marrë shumë vota, kjo është vetëm gjysma e të vërtetës

    Kryeministri Edi Rama e ka cilësuar koalicionin e bërë dikur me Lëvizjen Socialiste për Integrim si diçka që solli kosti dhe përçarje mes atyre që u rreh zemra majtas. I pranishëm në Berat, ku foli dhe Nasip naço, që tashmë ka kaluar me Partinë Socialiste, Rama tha se socialistët kanë paguar kosto në fakt. Ai pranoi se ka bërë gabime, por shtoi se më kryesorja është që gabimet të mos jenë më të mëdha se gjërat e bukura dhe ato që sjellin zhvillim. 

    “Kjo kala ka qenë mbuluar me ferra, mytur me plehrat. Njësoj si kësaj mund t’i ndodhë çdo pike të këtij vendi kur nuk drejton partia Socialiste. Është një histori e mjaftueshme për të kuptuar dallimin e madh mes nesh dhe atyre. Ne nuk jemi të rënë nga qielli, nuk jemi pa të meta. Pa diskutim sepse kemi pasur barrën të drejtojmë të bëjmë shumë punë, kemi bërë edhe gabime, gabime që i dimë, për të cilat kemi kërkuar edhe ndjesë publike. Por me siguri kemi bërë edhe gabime të cilat nuk i dimë. Shumica e njerëzve që janë këtu është se ju rreh zemra majtas, por që kanë paguar kosto. E rëndëisishme është të mos përsërisim gabime. E rëndësishme është që gjerat e mira dhe gjerat e bukura të jenë shumë më të mëdha se gabimet.

     Nasipi tha që kishte ardhur këtu sepse na kanë marrë shumë vota. Në fakt kjo është gjysma e të vërtetës. Gjysma tjetër është se pjesë e këtij borxhi jemi dhe ne. Në fund të ditës për atë ndarje, pjesë e këtij populli janë edhe ata që paguajnë kosto. Ne kemi bërë shumë gjëra të mira, por ku u bë bilanci më shumë kemi krijuar kosto nga ajo ndarje dhe nga ajo luftë e brendshme. Dhe pra solla shembullin këtu duke iu referuar Nasipit, duke thënë se për mua ky moment është i rëndësishëm, jo për faktin e një palë zgjedhjeve, por për unifikimin e këtij populli që e ka zemrën majtas,”- tha Rama ndër të tjera. 

Shto Koment