Politike

Rama sulmon Opozitën nga Kolonja: Gjino dhe Gogoli përhapin panik dhe shpifin për vaksinash, ne nuk ju mbledhim se s’duam t’ju infektojmë! Xhaçka: Do të të bëhem rrodhe si flokët e mi. Peleshi: Korçë-Kolonjë, për 15 minuta

Rama mbledh kandidatët për deputetë në Kolonjë, Rama sulmon Opozitën. Xhaçka tha se do t’i bëhet rodhe Ramës për investime në Kolonjë. Peleshi premtoi se rruga Korçë-Kolonjë do të bëhej për 15 minuta, duke nisur nga viti i ardhshëm.
Featured image of article: Rama sulmon Opozitën nga Kolonja: Gjino dhe Gogoli përhapin panik dhe shpifin për vaksinash, ne nuk ju mbledhim se s’duam t’ju infektojmë! Xhaçka: Do të të bëhem rrodhe si flokët e mi. Peleshi: Korçë-Kolonjë, për 15 minuta Edi Rama dhe pamje nga aktiviteti ne Kolonjë

KOLONË– Kryeministri Edi Rama mblodhi sot në Kolonjë kandidatët për deputetë të kësaj zone, nga ku kërkoi mandatin e tretë. Minutazhin që foli, kreu i qeverisë e përdori për të sulmuar Opozitën, të cilën e konsideroi një çetë që ka mbledhur lloj e lloj ‘rrypash’ që po çojnë njerëzit drejt infektimit.

Referuar denoncimit të ish-kryeministrit Sali Berisha, i cili paraditen e sotme tha se një 67-vjeçare me emrin Xhevahire Vladi, ka përfunduar në spital pasi ka bërë vaksinën kundër koronavirusit, Rama tha se është një turp. Lulzim Basha, të cilin e quajto Gjino dhe Berishën që ecilësoi gogoli dixhital, sipas Ramës po përhapin lajmë të rreme dhe po shpifin për vaksinat.

Kreu i qeverisë tha më tej se edhe ai apo kandidatët e Partisë Socialiste kanë  marrë shumë mesazhe ku njerëzit kërkojnë të dalin në sheshe, të brohorasin e të dalin me flamuj, por që ata nuk i kanë pranuar dhe nuk i kanë mbledhur, pasi nuk duan t’i infektojnë.

Për më shumë bëhu pjesë e grupit më viral në Facebook, Dosja.al

E pranishme në këtë takim, ministrja Olta Xhaçka u shpreh se do t’i bëhet kryeministrit Edi Rama si rodhe, njësoj si flokët e saj (kaçurrelë) dhe do t’i kërkonte investime për atë vend. Ministri i Mbrojtjes dhe kandidati për deputet Niko Peleshi, ka premtuar nga Kolonja se rruga Korçë- Kolonjë do të bëhet për 15 minuta. I pranishëm në takimin e kandidatëve me kryeministrin Rama, Peleshi u shpreh se kjo rrugë që sot bëhet për 65 minuta, do të shkurtohet duke nisur nga viti i ardhshëm.

(f.m/dosja.al)

  • 17:12

    “Kanë vdekur nga vaksinat”/ Rama shpërthen nga Kolonja: Turp, Gjino dhe Gogoli dixhital flasin për viktima, tani që njerëzit po marrin frymë, u fusin frikën


    Kryeministri Edi Rama ka përgënjeshtruar edhe njëherë denoncimet e paraardhësit e tij Sali Berisha në lidhje me vaksinat. I pranishëm në Kolonjë, në një takim me kandidatët për deputetë, Rama tha se është tupr të dalësh dhe të bësh këto deklarata në një kohë që njerëzut janë shumë të lumtur që po marrin vaksinat.

    “Turp, s’ka më turp. Të dalësh të flasësh dhe tu kthehesh njerëzve që kanë qenë në antkh për ato vaksina. Del Gjino dhe flet për viktima, se normal i ka thënë ai, po ti pse nuk flet për këto. Vjen tërmeti këta bëhen me tërmetin, vjen virusi këta bëhen me virusin. Si nuk u bënë njëherë me Shqipërinë këta. Të paktën të mos shpifin. Vaksina merrka jetë, vaksina shpëton jetë dhe shyqyr më në fund të moshuarit dalin nga shtëpitë dhe takojnë fëmijët e tyre pa pasur frikën se mund të infektohen. Dhe tani del Sali, gogoli digjital dhe flet për vdekje,“- tha Rama.

  • 16:53

    “Pse nuk e tregojmë forcën”/ Rama tregon mesazhet: Niko është përmbytur, njerëzit duan të dalin në sheshe me flamuj, por s’e lejojmë


    Kryeministri Edi Rama e ka shfrytëzuar takimin e tij me kandidatët për deputetë në Kolonjë për të sulmuar edhe njëherë tjetër Opozitën. I pranishëm në takim, Rama tha se ndryshe nga Partia Demokratike, ata nuk i mbledhin mbështetësit e tyre sepse nuk duan t’i infektojnë.

    Rama shtoi se kanë marrë shumë mesazhe ku njerëzit kërkojnë të dalin në sheshe, por që ata nuk i kanë pranuar dhe nuk i kanë mbledhur. 

    “Çfarë sjellin fushatat, sjellin humbje jetësh…po në Malin e Zi çfarë solli? Rritje numri të infektimeve, humbje jetësh dhe këto…këto solli. Pse duhet Shqipëria të bëhet viktimë e këty rasteve. Çfarë besimi mund të kenë njerëzit tek ata që nuk kanë forcën e nevojshme të karakterit…edhe mua më shkruajnë. Niko më tregonte se është përmbytur me mesazhe, ‘pse nuk dalim të tregojmë forcën’; ‘pse nuk dalim me flamuj’…për arsyen e vetme se ne nuk jemi njësoj me ata, një çetë që ka mbledhur njerëz pa din e pa iman. Ne jemi Partia Socialiste, kemi karakter tu bëjmë ballë sfidave. Mandatin e dytë sfidat në kthyen në një luftë dhe jo në një qeverisje. Ata të tjerët kanë si qëllim vetëm të mbledhin njerëz dhe të infektojnë. Kanë dalë rrugëve me demek program, që në fakt është meny dëshirash, ca do të dëgjosh ti, ata ta thonë. Prodhimi i qumështit do të ulet duke rritur prodhimin e djathit nëse të shesin ‘sapunin për djathë’ dhe kush ta hajë le ta hajë, kjo është PD,”- tha Rama ndër të tjera.

  • 16:40

    Niko Peleshi: Rruga ka marrë rrugët, Korçë-Kolonjë do ta bëni për 15 minuta

    Ministri i Mbrojtjes dhe kandidati për deputet Niko Peleshi ka premtuar nga Kolonja se rruga Korçë- Kolonjë do të bëhet për 15 minuta. I pranishëm në takimin e kandidatëve me kryeministrin Rama, Peleshi u shpreh se kjo rrugë që sot bëhet për 65 minuta, do të shkurtohet duke nisur nga viti i ardhshëm.

    “Sot ka nisur një investim i madh në Kolonjë. Rruga ka marrë rrugën si me thënë. Jemi në prag të lotit të 3 sapo të mbarojë i dyti dhe viti që vjen do të jetë viti i fillimit të lotit të 3-të. Kjo rrugë do të shkurtojë aksin Korçë-Kolonjë dhe do të keni mundësi ta bëni në diçka më shumë se 15 minuta. Në rast se sot do të duhet t’i bien nga Elbasani e Fieri për 6 orë për të shkuar në bregdet, kjo kohë përgjysmohet me rrugët e reja të bëra,”- tha Peleshi ndër të tjera. 

  • 16:45

    Olta Xhaçka: Do t’i bëhem rrodhe Ramës si flokët e mia

    Ministrja Olta Xhaçka u shpreh se do t’i bëhet kryeministrit Edi Rama si rodhe. E pranishme në takimin me kandidatët për deputetë në Kolonjë, Xhaçka u tha të pranishmëve se njësoj si flokët e saj (kaçurrelë) ajo do t’i ngjitej Ramës dhe do t’i kërkonte investime për atë vend.

    Kolonja do të kthehet aty ku i ka hije. Unë do të ndërmarr një angazhim para jush, që do të bëjmë gjithçka për të bërë më të mirën në këtë vend. Njerëz kaq të mrekullueshëm nuk e meritojnë të jenë jashtë vëmendjes apo jashtë korridoreve të rëndësishme turistike. I shikoni flokët e mia, unë do t’i bëhem rrodhe Edi Ramës, në çdo mbledhje, në çdo takim. Në katër vjeçarin e ardhshëm. Çdo ditë do kërkoj projekte dhe investime për Kolonjën. Dhe ashtu siç nuk do t’i ndahem unë atij, kërkoj që edhe të mos më ndaheni mua pas 25 prillit,”– tha Xhaçka ndër të tjera.

Një Koment në “Rama sulmon Opozitën nga Kolonja: Gjino dhe Gogoli përhapin panik dhe shpifin për vaksinash, ne nuk ju mbledhim se s’duam t’ju infektojmë! Xhaçka: Do të të bëhem rrodhe si flokët e mi. Peleshi: Korçë-Kolonjë, për 15 minuta

Shto Koment