Sport

VIDEO/ Inter duket se po merr formë, tris Bolognës në kampionat dhe tani me mendjen te Shakhtar Donetsk

Sulmi është arma më e fortë e zikaltërve, deri më tani kanë shënuar 26 gola, më mirë ka bërë Bayern Munich me 34 dhe PSG me 31 realizime
Featured image of article: VIDEO/ Inter duket se po merr formë, tris Bolognës në kampionat dhe tani me mendjen te Shakhtar Donetsk Inter

MILANO– Inter po rifillon të marrë formë. Pas disa ndeshjeve negative, zikaltërit po i rikthehen fitoreve dhe këtë e bëjnë në ndeshjen ndaj Bolognës duke triumfuar me shifrat 3-1. Takimi luajtur në “San Siro” foli për skuadrën e Contes që avantazhin e gjetën në minutën e 16-të me anë të Lukakut.

Në fundit e pjesës së parë Hakimi shfrytëzoi një pasim perfekt të Brozovicit nga thellësia, për të dyfishuar rezultatin, por ndeshja u rihap përkohësisht në minutën e 67-të nga Vignati, që u gjend në vendin dhe kohën e duhur për shifrat 2-1.

Për më shumë bëhu pjesë e grupit më viral në Facebook, Dosja.al

Për të vrarë përfundimisht takimin mendoi Hakimi, i cili u fut nga e djathta drejt qendrës, duke mposhtur sërish portierin Skorupski. Sulmi është arma më e fortë e zikaltërve, deri më tani kanë shënuar 26 gola, më mirë ka bërë Bayern Munich me 34 dhe PSG me 31 realizime.

E.Ç (Dosja.al)

Shto Koment