Sport

VIDEO / Guardiola: “Të nxjerrim mësime, kemi edhe tri shanse për titullin”

“Po sulmonim dhe ia dolëm të kalojmë në avantazh, teksa na mungon edhe një penallti tjetër. Vetëm arbitrat e dinë pse nuk e akorduan. Krijuam disa raste për gol dhe jam i kënaqur me paraqitjen e djemve”
Featured image of article: VIDEO / Guardiola: “Të nxjerrim mësime, kemi edhe tri shanse për titullin”
Përditësuar:

ANGLI – Këtë fundjavë po zhvillohet java e 35-të në Premier League. Një fitore e mundshme, të shtunën në “Etihad” do ta shpallte Manchester City kampion të Anglisë. Por kjo nuk ndodhi, ekipi i Guardiolës humbi 1-2 në shtëpi ndaj Chelsea, duke e shtyrë festën kur i kanë mbetur edhe tri mundësi të tjera.

Ky takim ishte edhe një ‘test forcash’ midis Cytit dhe Chelseas para finales së madhe të Stambollit, që zhvillohet më 30 maj në stadiumin “Ataturk” për fitimin e Champions League.  Sterling (44’) shënoi kurse Aguero (45’+3) humbi penallti për vendësit, ndërkohë që Ziyech (63’) dhe Alonso (90’+2) realizuan për blutë e Londrës.

Edhe pse humbi, trajneri Pep Guardiola pas ndeshjes nuk është i shqetësuar. “Ishte një ndeshje shumë e mbyllur, por, në përgjithësi, ne zhvilluam një ndeshje të mirë. Humbën shansin e madh për të mbyllur ndeshjen në pjesën e parë nga pika e penalltisë. Ne po luanim më mirë si skuadër.

Po sulmonim dhe ia dolëm të kalojmë në avantazh, teksa na mungon edhe një penallti tjetër. Vetëm arbitrat e dinë pse nuk e akorduan. Krijuam disa raste për gol dhe jam i kënaqur me paraqitjen e djemve.

Për më shumë bëhu pjesë e grupit më viral në Facebook, Dosja.al

Kemi edhe tre mundësi të tjera për t’u shpallur kampionë të Anglisë. Duhet të nxjerrim mësime nga humbja e sotme dhe të vazhdojmë përpara. Do të përballemi sërish me Chelsea pas 21 ditëve”,- deklaroi Pep Guardiola.

B.T (Dosja.al)

 

Shto Koment