Sport

VIDEO/Bayern Munich “terrorizon” Barcelonën, Lewandowski me shokë i japin tetë “shkelma” spanjollëve

Largohen kokë-ulur dhe të turpëruar Messi me shokë nga Lisbona, ndërsa Bayerni i Mynihut siguron kalimin në gjysmëfinale dhe hedh kandidaturën për të ngritur lart trofeun me “veshë të mëdhenj”
Featured image of article: VIDEO/Bayern Munich “terrorizon” Barcelonën, Lewandowski me shokë i japin tetë “shkelma” spanjollëve Bayern Munich vs Barcelona

PORTUGALI– Për Barcelonën ndeshja me Bayern Munich duhet harruar me patjetër. Spanjollët largohen me turp duke u mundur 8-2 përballë gjermanëve që nuk patën mëshirë në asnjë minutë për kundërshtarin. Gjithçka filloi në pjesën e parë kur në minutën e 3-të Thomas Muller shënoi për Bayernin ndërsa avantazhi i gjermanëve nuk zgjati shumë pasi në minutën e 7-të Alaba shkaktoi autogol. Gjermanët ja dolën të shënonin dhe tre gola të tjerë me Perisic në minutën e 21-të Gnabry në të 27-tën dhe Muller në minutën e 31-të.

Ndërsa në pjesën e dytë bavarezët u argëtuan po njësoj si në të parën. Fillimisht Suarez shkurtoi diferencat në minutën e 57-të duke çuar shifrat në 2-4, Joshua Kimmich dhe Robert Lewandowski vulosën fatin e takimit, ndërsa për ta bërë edhe më tragjike mbrëmjen për katalanët mendoi futbollisti në pronësi të Barcelonës, Philippe Coutinho, i cili erdhi nga stoli dhe shënoi dy herë, duke fiksuar rezultatin final 8-2 për bavarezët.

Largohen kokë-ulur dhe të turpëruar Messi me shokë nga Lisbona, ndërsa Bayerni i Mynihut siguron kalimin në gjysmëfinale dhe hedh kandidaturën për të ngritur lart trofeun me “veshë të mëdhenj”.

Për më shumë bëhu pjesë e grupit më viral në Facebook, Dosja.al

 

E.Ç (Dosja.al)

 

Shto Koment