Sport

VIDEO/ Atalanta mposht Ajax dhe vazhdon ëndrrën europiane, Liverpool barazon për statistikë

Atalanta vazhdon ëndrrën europiane. Italianët kualifikohen për në raundin tjetër pas fitores së marrë ndaj Ajaxit me shifrat 1-0
Featured image of article: VIDEO/ Atalanta mposht Ajax dhe vazhdon ëndrrën europiane, Liverpool barazon për statistikë Atalanta

EUROPË– Atalanta vazhdon ëndrrën europiane. Italianët kualifikohen për në raundin tjetër pas fitores së marrë ndaj Ajaxit me shifrat 1-0. Skuadrës nga Bergamo i mjaftonte e një barazim për kalimin për në raundin tjetër, por skuadra e Gasperinit e mbylli Grupin D me fitore. Sulmuesi kolumbian Luis Muriel ishte heroi i zikaltërve nga Bergamo, pasi erdhi në fushë në minutën e 79’ në vendin e patriotit të tij Duvan Zapata dhe vetëm 6 minuta më pas ia doli të dërgojë topin në rrjetë, duke siguruar kualifikimin e Atalantës.

Transferta e Liverpollit në Danimarkë ndaj Midtjylland ishte më shumë një ndeshje përgatitore, pasi “The reds” e kishin siguruar kualifikimin si vendi i parë në grup, ndaj edhe trajneri Jurgen Klopp shfrytëzoi mundësinë për të lënë pushim disa prej titullarëve.

Për më shumë bëhu pjesë e grupit më viral në Facebook, Dosja.al

Sfida përfundoi në barazim 1-1, me Liverpoolin që shënoi që në minutën e parë dhe Midtjylland që u kundërpërgjigj në pjesën e dytë, ndërsa më pas të dy skuadrave iu anulua nga një gol pas ndërhyrjes së VAR-it.

E.Ç (Dosja.al)

Etiketa:

Shto Koment