Politike

Vetting-u në Polici, Lleshaj: S’na del koha për të verifikuar 13 mijë punonjës, procesi duhet të shtyhet

Ministri i Brendshëm, Sandër Lleshaj kërkoi më shumë kohë për të realizuar procesin e Vetting-ut në Polici. Ish-ministri i Brendshëm, Fatmir Xhafaj i doli kundër ministrit Sandër Lleshaj për propozimet e bëra nga ky i fundit për Vettingun në Polici. 

TIRANË- Në seancën e sotme në Kuvend, ministri i Brendshëm, Sandër Lleshaj ka thënë se procesi i Vettingut në Polici duhet të shtyhet pasi koha që është në dizpocion është e pamjaftueshme për të skanuar 13 mijë punonjës.

Kemi ndërmarrë reforma të mëdha. Pa reformimin e policisë, reforma në drejtësi s’do kishte këtë vlerë. Vetting-u në polici është i një rëndësie të veçantë. Do vlerësohen me radhë të gjithë efektivët. Do ngrihen një seri komisionesh. Bashkë me gardën dhe SHÇBA do verifikohen 13 mijë punonjës. Volumi është i madh. E dimë të gjithë sa kohë ka marrë Vettingu në Drejtësi. Kanë kaluar 111 persona dhe nqs në drejtësi janë 800 persona, në Ministrinë e Brendshme është 13 mijë. Koha është problemi i parë. Procesi duhet të mbyllet marsin e vitit tjetër, por ende s’ka filluar. Është e pamundur që të realizohet, ndaj kemi sjellë këtë projektligj.

Sandër Lleshaj, ministër i Brendshëm

Ish-ministri i Brendshëm, Fatmir Xhafaj i doli kundër ministrit Sandër Lleshaj për propozimet e bëra nga ky i fundit për Vettingun në Polici. Ish-ministri tha se procesi i Vettingut nuk mund të kryhet nga punonjësit e SHÇBA, propozim ky i bërë nga Lleshaj. Xhafaj tha se SHÇBA, (Shërbimi i Cështjeve të Brendshme dhe Ankesave), nuk garanton pavarësinë.

Kemi të bëjmë me skanim të veçantë, dhe nuk mund të bëhet nga SHCBA, në varësi të ministrit. Një nga sukseset e Vettingut në drejtësi është se është i besueshëm nga të gjithë. Së dyti cenohet cilësia dhe shpejtësia e procesit. SHCBA-ja nuk ka kapacitetet për ta kryer këtë proces. Ti besojmë vettingun 13 mijë punonjësve një institucioni që ka 100 punonjës vlerësoj se do ta ngadalësojë procesin.

Fatmir Xhafaj, ish-ministër i Brendshëm

(f.g/dosja.al)

Shto Koment