Sport

Koronavirusi/ Tare mesazh për shqiptarët: Kjo luftë fitohet me mbrojtje

VIDEO
Në një video-mesazh të shpërndarë nga kryeministri Edi Rama, zyrtari i klubit italian përsëriti mesazhet për të zbatuar rregullat higjenike dhe shmangien e lajmeve të rreme.
Featured image of article: Koronavirusi/ Tare mesazh për shqiptarët: Kjo luftë fitohet me mbrojtje Igli Tare

ITALI- Drejtori i klubit të Lacios, Igli Tare dha mesazhin për shqiptarët që të tregojnë kujdes për veten dhe të afërmit e tyre nga përhapja e koronavirusit.

Në një video-mesazh të shpërndarë nga kryeministri Edi Rama, zyrtari i klubit italian përsëriti mesazhet për të zbatuar rregullat higjenike dhe shmangien e lajmeve të rreme.

Mesazhi i Igli Tares për shqiptarët:

Për më shumë bëhu pjesë e grupit më viral në Facebook, Dosja.al

Përshëndetje nga Roma! E para ndihuni mirë! Në Shqipëri po bëhen ato që në Itali u bënë me shumë vonesë. Ne jemi mbyllur në shtëpi dhe ju lutem bëjeni dhe ju. Ju lutem, mos dilni për qejf rrugëve dhe zbatoni rregullat sepse kjo është një luftë që fitohet me mbrojtje! Kijeni parasysh, duke u ruajtur mbrojmë veten tonë dhe njerëzit e familjes, sidomos njerëzit që kanë probleme shëndetësore dhe pleqtë.

Mos kini frikë, ruajuni nga lajmet e rreme! Lani duart, hapni dritaret, mësuani dhe fëmijëve tuaj dhe kini besim se çdo gjë do të kalojë me sukses! Ju përqafoj dhe mos harroni, mbani 1 metër distancë!

(E.Ç/ Dosja.al)

Shto Koment