Aktualitet

Greva në Poçem dhe HEC-i në Lurë, Vetëvendosje paralajëmron dy protesta: Për jetë me dinjitet

Vetëvendosje sqaron se në Ballsh protesta vjen pas një greve urie që nisi fillimisht para 10 ditëve në Poçem, nga 17 punëtorë të stacionit të elektropompimit, dhe më tej, para 6 ditëve, në grevë u futën edhe 10 punëtorë të rafinerisë së përpunimit të naftës në Ballsh. Ndërsa përsa i përket protestës së dytë, ku HEC-i në Zall-Gjoçaj do të ndërtohet në kundërshtim me ligjin.
Featured image of article: Greva në Poçem dhe HEC-i në Lurë, Vetëvendosje paralajëmron dy protesta: Për jetë me dinjitet Vetevendosje
Përditësuar:

TIRANË– Lëvizja Vetëvendisje, qendra në Shqipëri do të organizojë dy protesta në ditën në vijim. Në një status në rrjetet sociale, Vetëvendosje shkruan se të dielën, në orën 10:00 do të organizohen dy protesta, njëra në Ballsh, tjetra në Zall-Gjoçaj. Sipas statusit, protesta e Ballshit është për punë dhe rroga të papaguara, ndërsa protesta në Zall-Gjoçaj është kundër ndërtimit të një HEC-i në Parkun Kombëtar “Lurë – Mali i Dejës”.

Vetëvendosje sqaron se në Ballsh protesta vjen pas një greve urie që nisi fillimisht para 10 ditëve në Poçem, nga 17 punëtorë të stacionit të elektropompimit, dhe më tej, para 6 ditëve, në grevë u futën edhe 10 punëtorë të rafinerisë së përpunimit të naftës në Ballsh. Ndërsa përsa i përket protestës së dytë, ku HEC-i në Zall-Gjoçaj do të ndërtohet në kundërshtim me ligjin, brenda Parkut Kombëtar “Lurë – Mali i Dejës”, duke i marrë ujin rreth 10.000 banorëve, Vetëvendosje shkruan se nuk do të lejojë shkatërrimin e potencialit blegtoral dhe turistik të zonës, bashkë me ekosistemin natyror të këtij parku që është pronë e të gjithë qytetarëve.

Statusi i plotë i Vetëvendosje

Nga Ballshi në Zall-Gjoçaj: protestë! Dy protesta zhvillohen këtë të diel. Njëra në Ballsh, tjetra në Zall-Gjoçaj, të dyja në ora 10:00. Protestat organizohen sepse në thelb ka ndodhur vjedhja e pasurive natyrore të Shqipërisë. Në Ballsh, nafta. Në Zall- Gjoçaj, uji. Protesta e Ballshit është për punë dhe rroga të papaguara. Protesta në Zall-Gjoçaj është kundër ndërtimit të një HEC-i në Parkun Kombëtar “Lurë – Mali i Dejës”. Në Ballsh e në Zall-Gjoçaj, vidhen e shtypen punëtorë e fshatarë. Të dy protestat janë për jetë me dinjitet. Të dyja burojnë nga i njëjti problem: privatizimet e egra të pasurisë natyrore dhe publike të Shqipërisë, që kanë bërë të kamur një pakicë në kurriz të shumicës së shqiptarëve. Dy protestat e kësaj të diele tregojnë se shqiptarët janë të vjedhur, por jo të gjunjëzuar. Në Ballsh protesta vjen pas një greve urie që nisi fillimisht para 10 ditëve në Poçem, nga 17 punëtorë të stacionit të elektropompimit, dhe më tej, para 6 ditëve, në grevë u futën edhe 10 punëtorë të rafinerisë së përpunimit të naftës në Ballsh. Aty punojnë rreth 900 punëtorë. Rrogat nuk i kanë marrë prej disa muajsh – rastet më ekstreme shkojnë deri në 27 muaj. Disa prej grevistëve janë shtruar tashmë në spital për shkak të përkeqësimit të gjendjes shëndetësore. Krimi në Ballsh është i vjetër. Prek partitë, spekulantë vendas e të huaj, institucionet e shtetit, bankat, e kështu me radhë, duke krijuar një rrjet mafioz që përsërit krimin. Ky krim rëndon jo vetëm mbi sistemin e drejtësisë, por edhe mbi ndërgjegjen tonë si qytetarë të Republikës. Punëtorët kanë protestuar edhe më herët, dhe do protestojnë, me shumë të drejtë, këtë të diel. Mafia e naftës ka shkaktuar në Ballsh edhe një masakër mjedisore me pasoja të tmerrshme shëndetësore mbi vetë punëtorët dhe banorët e zonës. Ndërsa në Zall-Gjoçaj, në Mat, masakrën mjedisore duan ta kryejnë tani. HEC-i në Zall-Gjoçaj duan ta ndërtojnë, në kundërshtim me ligjin, brenda Parkut Kombëtar “Lurë – Mali i Dejës”, duke i marrë ujin rreth 10.000 banorëve, si dhe duke shkatërruar potencialin blegtoral dhe turistik të zonës, bashkë me ekosistemin natyror të këtij parku që është pronë e të gjithë qytetarëve, dhe na jep të gjithëve oksigjen. Banorët po protesjonë prej disa muajsh dhe kanë dorëzuar edhe një padi në gjykatë. Këtë javë, për herë të tretë, seanca gjyqësore është shtyrë pasi palët e paditura nuk paraqiten. Prandaj, banorët kanë thirrur sërish protestë. Qendra e Lëvizjes VETËVENDOSJE! në Shqipëri shpreh mbështetjen për të dyja këto protesta dhe kërkon nga institucionet shtetërore respektimin e ligjit dhe të të drejtave të punëtorëve, mbrojtjen e sektorit të naftës si pasuri publike me interes kombëtar dhe mbrojtjen e mjedisit e të lumenjve nga shfrytëzimi i egër e shkatërrues. Në solidaritet me shqiptarët që këtë të diel protestojnë nga Ballshi në Zall-Gjoçaj! Tiranë, 22 shkurt 2020 Lëvizja VETËVENDOSJE! Qendra në Shqipëri.

Për më shumë bëhu pjesë e grupit më viral në Facebook, Dosja.al

Punonjësit e nënstacionit të Poçemit ndodhen sot në ditën e 9-të grevës së urisë. Ata kanë deklaruar se në Tiranë kanë nisur bisedimet me zv/ministrin Ilir Bejtja, i cili i ka thënë se deri të hënën do të kalojnë pagat e prapambetura. Por megjithatë, ata shprehen të vendosur se do të nuk dorëzohen, pasi thonë se deri të hënën do të vazhdojnë të qëndrojnë në grevë. Naftëtarët thonë se janë në pritje për negociata. Grevistët kërkojnë të marrin 27 pagat e prapambetura, pasi kanë punuar për 2 vite pa paguar, vetëm të detyruar nga ligji që i dënon në rast se e braktisin.

Dhjetëra banorë të disa fshatrave të zonës së Matit, kanë kundërshtuar ndërtimin e HEC-it të Sekës në lumin Zall Gjoçaj. Në muajin nëntor ata ngritën një çadrë dhe u ngujuan.

(f.m/dosja.al)

Shto Koment