Aktualitet

“Vetëm e vdekur kthehem në Ballsh”! Naftëtarët në protestë: Çfarë i ka bërë populli Ramës, Sali Berishës, Ilir Metës

Protestuesit e mbledhur përpara Ministrisë së Energjitikës kanë kërkuara pagat e tyre të prapambetura dhe situata ka shkuar deri në përplasje fizike me forcat e rendit.

TIRANE– Ditën e sotme protesta e naftëtarëve të Ballshit në Tiranë ka degjeneruar në përplasje me forcat e policisë.

Protestuesit e mbledhur përpara Ministrisë së Energjitikës kanë kërkuara pagat e tyre të prapambetura dhe situata ka shkuar deri në përplasje fizike me forcat e rendit.

Madje një protestuese ka kërcënuar se nuk largohet nga aty, nëse zyrtarët nuk i japin sqarim, duke thënë se protestuesit i kanë marrë masat edhe për dhunë.

Për më shumë bëhu pjesë e grupit më viral në Facebook, Dosja.al

Të na japin rrogat, që kemi punuar. Të na japin librezat, detyrimet, qelbësirat, hajdutët. Nuk vjen njeri të na sqarojë. Janë të tërë të korruptuar, o nuk bëhet më ky vend. O të hapet dera e ministrisë, o do vdesim këtu. Nuk kthehem më në Ballsh, vetëm e vdekur, se kam punuar, kam lënë gjakun atje. Kemi 3 vjet pa marrë rrogat, se pronari ikën në drejtim të paditur. Ç’është ky pronar, kush e sjell? Nafta është shumë cilësore. Të paktën nga shtatori deri në dhjetor na kanë dhënë një lëmsh, vetëm 230 mijë lekë. Nga janari deri tani talli Edi Rama veten, duke na dhënë një pagë lufte 400 mijë leksh. Tani na gënjejnë, bëmë kontratat nuk erdhi njeri, tani na sjellin policët të na hedhin gaz lotsjellës. Çfarë i ka bërë populli Ramës, Sali Berishës, Ilir Metës, se janë pasuruar me naftën, me gjakun tonë. Jemi të shkolluar të gjithë, nuk na gënjejnë dot. Ne nuk lëvizim që këtu, ta dinë mirë, i kemi marrë masat edhe për dhunë”, u shpreh protestuesja.

(A.B)/Dosja.al

Shto Koment