Rajoni

Vendosi kosën para godinës së qeverisë, Prokuroria kërkon burg për asistentin e Albin Kurtit, Arianit Beqiri: Akuzohem për kërcënim

Instalacioni “Pakoja e rimëkëmbjes ekonomike” i Beqirit është vendososur sot në mëngjes para objektit të qeverisë, si protestë artistike ndaj pakos emergjente të Qeverisë së Kosovës. Por mesa duket "arti" e ka futur në telashe. 
Featured image of article: Vendosi kosën para godinës së qeverisë, Prokuroria kërkon burg për asistentin e Albin Kurtit, Arianit Beqiri: Akuzohem për kërcënim Arianit Beqiri

PRISHTINË– Asistenti i ish-kryeministrit Albin Kurti, Arianit Beqiri, është thirrur nga Policia e Kosovës që të japë shpjegim për instalacionin e tij, “Pakoja e rimëkëmbjes ekonomike”, e cila u vendos para ndërtesës së qeverisë. 

Instalacioni “Pakoja e rimëkëmbjes ekonomike” i Beqirit është vendososur sot në mëngjes para objektit të qeverisë, si protestë artistike ndaj pakos emergjente të Qeverisë së Kosovës. Por mesa duket “arti” e ka futur në telashe. 

“Ndonëse u prit të deklarohem vetëm sa për procedurë, prokurori kujdestar kërkoi që të ngrihet aktakuzë ndaj meje me pretendimin për kërcënim,”- ka shkruar Beqiri në Facebook.

Arti

Postimi i plotë e Beqirit:

Për më shumë bëhu pjesë e grupit më viral në Facebook, Dosja.al

Pas përfundimit të shfaqjes së kësaj vepre artistike u ftova që të paraqitem në Policinë e Kosovës për të dhënë deklaratë. Ndonëse u prit që të deklarohem vetëm sa për procedurë, prokurori kujdestar kërkoi që të ngritët aktakuzë ndaj meje me pretendimin për kërcënim. Në Polici deklarova se ky instalacion nuk ka për qëllim kërcënimin ndaj askujt. Vepra në vetvete ka karakter artistiko-politik dhe është kritikë për Pakon e dobët e të varfërt të Rimëkëmbjes Ekonomike. Pra, nëse populli shpreson që së shpejti do të hapet sërish, shumë biznese duket se nuk do të mund të hapen më. Kjo po ndodhë sepse Pakoja e Rimëkëmbjes Ekonomike, ndonëse po pritet shumë, nuk është ajo që po e prisnim. Me ftesën e Prokurorisë së Shtetit do të paraqitem për të deklaruar rreth kësaj vepre. Ashtu siç i pyeta zyrtarët policorë se si e parasheh procedura për vepër penale një vepër artistike bashkëkohore, jam kurioz ta dëgjoj edhe prokurorinë se çfarë përgjigje ka.

E gjithë vepra që ka bërë bujë sot në Kosovës, konsiston në një kuti kartoni, e cila mban brenda saj një kosë. 

(k.m/dosja.al)

Shto Koment