Politike

Veliaj përgatitet për fushatë: PS dhe Rama gati të fitojnë mandatin e tretë, jam “pro” hapjes së listave, mbi 80% e qytetarëve e donin

Në fjalën e tij, para studentëve të gjimnazit, Veliaj u shpreh se do të punojë dhe do të japë gjithë kontributin e tij që PS të kapë objektivin në zgjedhje. 
Featured image of article: Veliaj përgatitet për fushatë: PS dhe Rama gati të fitojnë mandatin e tretë, jam “pro” hapjes së listave, mbi 80% e qytetarëve e donin Erion Velaj

TIRANË- Kryetari i Bashkisë së Tiranës, Erion Veliaj, i ftuar dje nga Fondacioni “Qemal Stafa” ka folur lidhur me të ardhmen e Partisë Socialiste dhe zgjedhjet e ardhshme parlamentare. Në fjalën e tij, para studentëve të gjimnazit, Veliaj u shpreh se do të punojë dhe do të japë gjithë kontributin e tij që PS të kapë objektivin në zgjedhje. 

“Vitin tjetër kemi zgjedhje dhe unë do të punoj 24/7, që Partia Socialiste dhe Edi Rama të fitojnë mandatin e tyre të tretë. Mandati i tretë do të ishte historik sepse në Shqipëri, në 30 vite pluralizëm, nuk ka ndodhur asnjëherë që një forcë politike të mandatohet tre herë radhazi. Unë besoj se i kemi të gjitha argumentat për të kërkuar një mandat të tretë, jo pse opozita është e shpartalluar, porse në 8 vjet jemi partia numër një, e padiskutueshme, garën e kemi me veten. Por, ca gjëra mund t’i bëjmë shumë më mirë”, tha Veliaj.

Më tej, kryebashkiaku doli edhe për hapjen e listave, duke e cilësuar vendimin si shumë të rëndësishëm dhe që u jep shumë peshë qytetarëve.

Për më shumë bëhu pjesë e grupit më viral në Facebook, Dosja.al

“Vendimi më i rëndësishëm është ai i hapjes së listave. Po të shikoni sot, ka shumë njerëz që më thonë: Ore, ç’është kjo frymë e sharjes dhe vulgaritetit? Është mëse normale kur fatin për sukses në listë ta cakton Saliu apo kushdo tjetër; atëherë ti nuk mendon fare për elektoratin, por mendon që elektorati është vetëm ky që të fut në listë: nëse ai është i kënaqur, ti je lart në listë, nëse është i pakënaqur, ti je poshtë në listë”, shtoi Veliaj.
 
Kreu i Bashkisë së Tiranës, i cili është njëherësh edhe anëtar i Kryesisë së PS, u shpreh se propozimi i PS-së, në fakt, është propozim i shumicës dërrmuese të Shqipërisë. “Mbi 80% e njerëzve duan hapjen e listave. Unë besoj se ky është rasti tipik, kur një parti e madhe i shkon pas popullit, dhe nuk e detyron opinionin publik, t’i shkojë pas partisë. Përqafimi i listave të hapura, së pari do e bëjë debatin më civil dhe nuk do kemi këtë garën e televizioneve çdo natë, kush thotë ndyrësitë dhe poshtërsitë më të mëdha për armikun, sepse do mendosh se po të gjykon populli, i cili do të japë edhe renditjen në listë, dhe jo shefi i partisë”, nënvizoi Veliaj.

Në fund, Veliaj  shtoi se vendii i duhet një fushatë pozitive, me energji të mirë, me lista të hapura.

(k.m/dosja.al)

Një Koment në “Veliaj përgatitet për fushatë: PS dhe Rama gati të fitojnë mandatin e tretë, jam “pro” hapjes së listave, mbi 80% e qytetarëve e donin

  1. Gjallese e neveritshem, pa forme, pa ngjyre dhe me nje ere jashtezakonisht te qepbur.

Shto Koment