Politike

Veliaj nxjerr pamjet: Si futet shiu në zyrën e drejtorit të TK. Reagon Gent Zenelaj: Kërko falje, fajin e keni ju (VD)

Veliaj shprehet i vendosur se Teatri Kombëtar do të shembet. Ai ka publikuar edhe një video për të përforcuar këtë vendim se teatri ndodhet në gjendje të mjerueshme. Reagon Gent Zenelaj: Kërko falje, fajin e keni ju.
Featured image of article: Veliaj nxjerr pamjet: Si futet shiu në zyrën e drejtorit të TK. Reagon Gent Zenelaj: Kërko falje, fajin e keni ju (VD) Erion Veliaj dhe Gent Zenelaj

Tiranë- Kreu i Bashkisë së Tiranës, Erion Veliaj shprehet i prerë se godina e Teatrit Kombëtar do të shembet.

Në një postim në Instagram ai ka publikuar, ku sipas tij në zyrën e drejtorit të Teatrit Kombëtar, pikon shiu nga tavani. “Shkurt, 2019): Një ditë normale pune në hapësirën më të mirë të teatrit aktual… zyrën e drejtorit!”, shprehet Veliaj, teksa nxjerr edhe videon.

I menjëhershëm ka qenë edhe një reagim i aktori Gentian Zenelaj, që sipas tij kreu i bashkisë së Tiranës minimalisht duhet të kërkojë falje për gjendjen që është katandisur teatri.

Reagimi i plotë:

Paske nxjerrë zyrën e drejtorit të TK o Erion….po zyrën tënde pse nuk e nxorre???zyrën e Kapitenit tënd pse nuk e nxorre…zyra me biçkikleta..tapete..shatërvanë..vazurina..qelqurina..zhgarravina…..Po Erion kështu e katandisi politika juaj zyrën e drejtorit te TK.Si të majtë dhe të djathtë…këta jeni ju.Kaq respekt keni për ne.Por po të them që dhomat tona të zhveshjes janë akoma më keq…por jo se e ka fajin Teatri.Fajin e keni ju…Ti..Kapiteni jot..ai përpara kapitenit.Që nga 1991 e deri tani.Po zyrat mësuesve e profesorëve e docentëve të nderuar mos mendon që i keni bërë më të mira?.I kam parë zyrat e shtetit..dhomat e konsultoreve..dhomat e urgjencave..e pavioneve e gjendjeve civile…por edhe zyrat tuaja i kam parë.edhe të ministrave e zëvëndësministrave ..Minimumi falje duhet të kërkoje me ate video..Ja në ato ambiente punojnë aktorët tanë….Pastaj nëse do krahasojmë edhe shtëpiat.

VIDEO e publikuar nga Veliaj:

 

View this post on Instagram

 

(Shkurt, 2019): Një ditë normale pune në hapesirën më të mirë të teatrit aktual… zyrën e drejtorit!😬

A post shared by Erion Veliaj (@erionveliaj) on

Ende vijon rezistenca e artistëve te Teatri Kombëtar, të cilët janë kundër shembjes së kësaj godine. Dy ditë më parë pati përplasje mes policisë, aktorëve dhe qytetarëve tek Teatri Kombëtar. Pasi policia rrethoi godinën për të bërë zbrazjen e saj, Basha dhe përfaqësues të PD shkuan në ndihmë të tyre. Ky i fundit deklaroi se teatri do të shpallet monument kulture dhe nënshkroi një marrëveshje me artistët.

J.V/Dosja.al 

Një Koment në “Veliaj nxjerr pamjet: Si futet shiu në zyrën e drejtorit të TK. Reagon Gent Zenelaj: Kërko falje, fajin e keni ju (VD)

  1. po Gento po o yll ne ngjitje i artitet shqiptaro.hajdaro-boteror

Shto Koment