Aktualitet

Vdiq nga Covid-19, shoku i 17-vjeçarit tregon ëndrrat e Qamilit: E donte jetën, kishte passion kuzhinën….folëm 10 ditë para se të humbte jetën

Mata shton se ka folur me Seitin dhjetë ditë para se të ndërronte jetë, dhe e ka parë shumë energjik e në formë, por të shqetësuar për prindërit e tij, që janë të infektuar gjithashtu.
Featured image of article: Vdiq nga Covid-19, shoku i 17-vjeçarit tregon ëndrrat e Qamilit: E donte jetën, kishte passion kuzhinën….folëm 10 ditë para se të humbte jetën Xhuliano Mata, Qamil Seiti dhe Flori Gjini

TIRANË– Xhuliano Mata, shoku i Qamil Seitit, 17-vjeçarit që Covid-19 i mori jetën një ditë më parë, ka treguar se miku i tij e donte shumë jetën.

Në një prononcim për “Shqipëria Live”, Mata tha se Seiti e kishte shumë qejf kuzhinën, si pasion dhe punonte kur kishte kohë të lirë.

Mata shton se ka folur me Seitin dhjetë ditë para se të ndërronte jetë, dhe e ka parë shumë energjik e në formë, por të shqetësuar për prindërit e tij, që janë të infektuar gjithashtu.

Pjesë nga intervista

Si e more vesh lajmin?

“Kam qenë në shkollë në orë të dytë të tretë dhe na erdhi një lajm  i pakonfirmuar. Thjesht që Qamili ka ndërruar jetë, kemi ngelur të shokuar, pa fjalë, se ai ka qenë njeri pozitiv pa asnjë sëmundje. në fillim nuk e besuam. Unë e kam pasur shok fëmijërie, ka jetuar në Memaliaj dhe më pas u largua”, tha miku i tij.

Për më shumë bëhu pjesë e grupit më viral në Facebook, Dosja.al

Si  e more vesh që ishte i infektuar me Covid?

Ai kishte shumë qejf kuzhinën, si pasion dhe punonte kur kishte kohë të lirë, donte të ishte dikush për më vonë. Ai vazhdoi një shkollë profesionale, donte punën, donte jetën. Babai i tij ishte në intubim”, tha ai.

Kur ke komunikuar për herë të fundit me të?

“Komunikova para 10 ditësh para se të prekej. Na ka ardhur e papritur në fillim që nga karantinimi sepse jemi dhe në moshë të re. Ai ishte tip energjik, nuk i trembej diçkaje, nuk e mendonim shumë se do të prekeshim, ai mendonte për familjen për babanë, nënën. Familja e tyre përbëhet nga dy vëllezër dhe një motër më të mëdha se ai, të cilët janë në gjendje të mirë shëndetësore, veç babait”, tha Xhuliano.

Qamil Seiti ndërroi jetë dje. I riu ishte pa asnjë sëmundje shoqëruese dhe kishte përfunduar në intubim pas infektimit me Covid-19. Mushëritë e tij ishin prekur 100% nga virusi dhe në 24 orët e fundit ishte përkeqësuar ndjeshëm.

(f.m/dosja.al)

Shto Koment