Aktualitet

Vdiq duke pirë ujë 5 ditë pas lindjes, familja e Ardita Muçës denoncon mjeken: Të arrestohet direkt, goca s’vjen më mbrapa! La dy fëmijë jetim…

VIDEO
Tezja e të ndjerës ka thënë se familja ka denoncuar mjeken Migena Prifiti, e cila ka ndjekur gjithë procesin e shtatzënisë së 29-vjeçares por nuk i ka dhënë hollues gjaku.
Featured image of article: Vdiq duke pirë ujë 5 ditë pas lindjes, familja e Ardita Muçës denoncon mjeken: Të arrestohet direkt, goca s’vjen më mbrapa! La dy fëmijë jetim…

DURRËS– Famijarët e 29-vjeçares Ardita Muça, e cila humbi jetën vetëm 5 ditë pasi kishte lindur foshnjën, kanë akuzuar mjekët për mjekim të pakujdesshëm, si dhe kanë bërë denoncimin në Policinë e Durrësit. Tezja e të ndjerës ka thënë se familja ka denoncuar mjeken Migena Prifiti, e cila ka ndjekur gjithë procesin e shtatzënisë së 29-vjeçares por nuk i ka dhënë hollues gjaku.

“Denoncimi është për Migena Priftin, që është doktoreshë gjinekologe që e ka ndjekur nga muaji i parë i shtatzënisë deri në muajin e fundit. Duam drejtësi. Ka vdekur për faj të mjekes. Asnjë nuk ma mbush mendjen. Ka qenë e fuqishme. Do i bënin hollimi i gjakut. A vdes një gocë 29-vjeçare me trombozë. Ke dëgjuar ti? Hata e madhe. Migena Prifti të arrestohet direkt. Kaq di me thënë unë. Goca nuk vjen mbrapa por të bëhet drejtësi. Si vdes robi, ma shpjego pak? Direkt vdiq! Tani do presim ekspertizën. Do flasim me avokatin,”-tha ajo

I pikëlluar vjehrri i së ndjerës është shprehur se tashmë me humbjen e së resë, i është nxirë shtëpia, ndërsa shton se kërkon vetëm drejtësi pasi e di që të ndjerën nuk e kthen dot pas. 

Për më shumë bëhu pjesë e grupit më viral në Facebook, Dosja.al

“Nuk jemi nga ata që duam t’i bëjmë keq dikujt. Por për punë drejtësie kemi shumë dëshirë ta gjejmë. Ajo nuk na kthehet më. Unë nuk futem dot më në shtëpi. Tani më është nxirë shtëpia komplet. Nuk i kemi lënë gjë mangët asgjë. Çfarë ka dashur si e ka dashur. E kemi mbajtur si mbretëreshë e veçantë. Asnjë punë dhe asnjë. Vetëm për bebin. U gëzuam se kishte një vajzë dhe bëri djalin. Ajo iku dhe nuk kthehet më. Kush do ma rrisi fëmijën? Pse iku? Si? E solli në jetë djalin,”- ka thënë vjehrri i Ardita Muçës. Ndërsa e bija e tij ka treguar detaje të tjera: U munduan që t’i jepnin ndihmën e parë, sepse na thanë që e kishin njoftuar se ishte rrëzuar një grua nga shkallët. U përmend pasi u rrëzua. Zemrën ia ka sjellë në jetë vëllai im, por mbaroi në spital. Mbaroi oksigjeni në ambulancë. Nuk ishin përgatitur për këtë lloj gjendje të gjetën. Ata u munduan, nuk them dot. Nuk merrte dot më shumë frymë. Në spital nuk u përmend fare. Në thanë se zemra po i punon por nuk i mbushet truri me oksigjen se ka ndenjur shumë në këtë gjendje. Nusja jonë ka ikur prej shëndetësisë që nuk funksionon.

Trupi i pajetë i të resë është dërguar në morgun e qytetit ku edhe pritet të bëhet ekspertiza mjeko-ligjore që do të zbulojë edhe shkakun e vdekjes, por paraprakisht dyshohet se e reja ka pësuar trombozë në mushkëri. Ndërsa deri më tani nuk ka asnjë reagim nga spitalit lidhur me ngjarjen e ndodhur.

(k.m/dosja.al)

Shto Koment