Bota

Vdes 12-vjeçarja në Belgjikë, bëhet viktima më e re në Evropë nga koronavirusi

Një vajzë 12-vjeçare ka vdekur ditën e sotme nga koronavirusi në Belgjikë,duke u bërë kështu edhe viktima më e re në Europë nga COVID-19.
Featured image of article: Vdes 12-vjeçarja në Belgjikë, bëhet viktima më e re në Evropë nga koronavirusi Foto ilustruese

BELGJIKË– Një vajzë 12-vjeçare në Belgjikë është bërë viktima më e re në Evropë që vdiq nga koronavirusi.

Vajza kishte pasur ethe për tre ditë para se gjendja e saj shëndetësore të përkeqësohej, sipas profesorit Steven Van Gucht, i cili është presidenti i komitetit shkencor në Belgjikë.

Van Gucht tha gjithashtu se vdekja në një moshë kaq të re për shkak të koronavirusit është “shumë e jashtëzakonshme”. Deri më tani ka pasur 705 vdekje për shkak të Covid-19 në Belgjikë me gjithsej 12,775 raste të personave të infektuar.

Kujtojmë që ditën e djeshme vdiq një 14-vjeçar nga virusi në Portugali, por viktimë e  COVID -19 ka mbetur edhe një  16-vjeçare disa ditë më parë.

Për më shumë bëhu pjesë e grupit më viral në Facebook, Dosja.al

Në rang global janë regjistruar mbi 38 mijë viktima nga COVID-19. Europa tashmë është epiqendra e COVID-19. Numri i viktimave në Itali ka shkuar në 11,591 persona. Po kështu, numri i viktimave është rritur ndjeshëm edhe në Spanjë, deri më tani 8,189 persona kanë ndërruar jetë. Në këtë shtet në 24 orët e fundit janë shënuar 849 viktima. COVID-19 është përhapur edhe në Ballkan. Në Kosovë ka shkuar në 108 numri i të prekurve dhe deri më tani ka humbur jetën vetëm një person. Në vendin tonë ka 243 persona të infektuar dhe 13 viktima.

Burimi: METRO

 A.C/Dosja.al 

Shto Koment