Politike

Vdekja e parë nga zjarri në vend, Meta: Qeveria të angazhohet seriozisht për përballimin e situatës

Me anë të një postimi në Facebook, Meta i shprehu gjithashtu ngushëllime familjes së viktimës së parë nga zjarret në vend, duke uruar edhe shërim sa më të shpejtë të gruas së Andrea Haxhiajt, i cili humbi jetën ditën e sotme.
Featured image of article: Vdekja e parë nga zjarri në vend, Meta: Qeveria të angazhohet seriozisht për përballimin e situatës Ilir Meta

TIRANË- Presidenti Ilir Meta i ka bërë thirrje qeverisë që të angazhohet seriozisht për përballimin e situatës emergjente në vend për shkak të zjarreve. Me anë të një postimi në Facebook, Meta i shprehu gjithashtu ngushëllime familjes së viktimës së parë nga zjarret në vend, duke uruar edhe shërim sa më të shpejtë të gruas së Andrea Haxhiajt, i cili humbi jetën ditën e sotme. Meta gjithashtu i ka bërë thirrje për ndihmë Mekanizmit të Mbrojtjes Civile Evropiane, si dhe çdo shteti që kaa mundësi të ndihmojë. Ai më poshtë u bëri thirrje banorëve që të evakuohen nga zonat që janë me rrezikshmëri të madhe.            

Postimi i plotë:

Humbja e jetës së qytetarit Andrea Haxhiaj në zonën e Gjirokastrës, si pasojë e zjarreve, është thellësisht trishtuese. Duke i shprehur ngushëllimet më të thella familjes, i uroj bashkëshortes së të ndjerit, e lënduar nga djegiet në trup, shërim sa më të shpejtë. I bëj thirrje Qeverisë, në veçanti Ministrit të Mbrojtjes, Ministrit të Brendshëm dhe Drejtorit të Agjencisë Kombëtare të Mbrojtjes Civile, të angazhohen seriozisht, me të gjitha forcat operacionale të emergjencës dhe kapacitetet në dispozicion, jo me mjete rrethanore, për përballimin e kësaj situate alarmante, të përhapur tashmë në disa Qarqe të vendit.

Është tepër urgjente organizimi i operacioneve më efikase nga ajri dhe marrja e çdo mase efektive, për të shmangur çdo humbje tjetër jete, për t’ju ardhur në ndihmë qytetarëve në nevojë dhe minimizuar pasojat tepër të rënda në pasuritë publike dhe private. Përsëris thirrjen për t’ju drejtuar sa më parë për ndihmë Mekanizmit të Mbrojtjes Civile Europiane dhe çdo vendi partner, që ka mundësi të na ndihmojë.

Për më shumë bëhu pjesë e grupit më viral në Facebook, Dosja.al

Përcjell solidaritetin me forcat zjarrfikëse, Forcat e Armatosura dhe punonjësit e strukturave vendore dhe qendrore të angazhuara në terren për fikjen e zjarreve dhe u bëj thirrje qytetarëve, në zonat me rrezikshmëri të lartë, të jenë sa më bashkëpunues me ta, veçanërisht për të zbatuar urdhrin e evakuimit, në rastet kur kjo është e domosdoshme.


LAJM KRYESOR: Shënohet viktima e parë! Evakuohen tre fshatrat e Gjirokastrës, situatë alarmante në Jug të Shqipërisë, Çako: Gjithçka ndodhi shpejt. Basha: Masat gjysmake nuk përmirësojnë asgjë

(I.A/dosja.al)

Shto Koment