AktualitetFactcheck

Vdekja e paralajmëruar/ Braçe dhe Veliaj kishin mbyllur sytë para paligjshmërisë që mori jetën e dy punëtorëve

Prej ditësh numri një i Tiranës shfaqet në të gjitha mediat dhe nxit qytetarët të bashkëpunojnë me bashkinë dhe të rregullojnë fasadat. Por fasada sot u mori jetën 2 punëtorëve dhe tre të tjerë i la të plagosur.
Featured image of article: Vdekja e paralajmëruar/ Braçe dhe Veliaj kishin mbyllur sytë para paligjshmërisë që mori jetën e dy punëtorëve Erion Braçe dhe Erion Veliaj

TIRANË- Vdekja e dy punëtorëve pas rënies së skelës në Tiranë, ka qenë një vdekje e paralajmëruar. Projekti që u mori jetën dy punëtorëve ka qenë i iniciuar nga Bashkia Tiranë, për rregullimin e fasadave të pallatave. Projekte të ngjashme si këto kanë disa kohë që promovohen nga Erion Veliaj, i cili ditët e fundit ka zgjedhur që makinerinë e tij online ta fokusojë tek kjo gjë.

Prej ditësh numri një i Tiranës shfaqet në të gjitha mediat dhe nxit qytetarët të bashkëpunojnë me bashkinë dhe të rregullojnë fasadat. Por fasada sot u mori jetën 2 punëtorëve dhe tre të tjerë i la të plagosur.

Por edhe pse ky është një projekt i institucionit që ai vet drejton, Veliaj ende nuk ka reaguar. Asnjë reagim nuk ka ende dhe nga Erion Braçe, pasi ngjarja ka ndodhur në pallatin e tij.

Zv. Kryeministri prej kohësh ka marrë flamurin e anti-informalitetit, por një ngjarje e rëndë duke thyer ligjet e shtetit i ka ndodhur poshtë pallatit të tij. Punëtorët që mbetën të vdekur dhe të plagosur, ishin të pasigurtë në punën e tyre.

Siç shihet dhe nga fotot e videot nga vendi i ngjarjes, të gjithë ata nuk kishin minimumin e sigurisë. Me shapka, pa uniformë të përshtatshme, të pa lidhur dhe pa kokore. Po ashtu sipas informacioneve të Dosja.al, mësohet se punëtorët ishin të deklaruar me pagën minimale, me vetëm 260 mijë lekë.

Të gjitha këto shkelje, nuk janë parë as nga Veliaj dhe as nga Braçe, nga njëri që ishte pal në tender dhe tjetri që lufton kundër informalitetit.

Prandaj në lidhje me ketë ngjarje lindin disa pyetje: Si e ka lejuar bashkia dhënien e këtij tenderi? Pse nuk e ka pasur askush që në pallatin e zv. Kryeministrit punohej jashtë kushteve të sigurisë? A e dinin strukturat e shtetit që kompania po skllavëronte punëtorët? A është kusht që firma që ka fituar tendërin të jetë e rregullt në pagimin e sigurimeve?

(Dosja.al)

Shto Koment