Aktualitet

Vdekja e 25-vjeçares në Elbasan, reagon spitali: Po priten rezultatet e ekspertizës

  • Elbasan/ Lind fëmijën e parë, vdes nga arresti kardiak 25-vjeçarja, familja: Mjeku erdhi me vonesë
  • Spitali i Elbasanit ka reaguar pas vdekjes së 25-vjeçares pasi solli në jetë fëmijën e parë. Në reagim thuhet se po pritet rezultati i ekspertizës mjeko-ligjore.
    Featured image of article: Vdekja e 25-vjeçares në Elbasan, reagon spitali: Po priten rezultatet e ekspertizës Familjarët e 25-vjeçares

    ELBASAN- Pas ngjarjes së rëndë të ndodhur në Spitalin e Elbasanit, ku vetëm një orë pasi solli në jetë fëmijën e saj të parë, humbi jetën 25-vjeçarja Rexhina Debrova, ka reaguar edhe vetë institucioni. 

    Në një njoftim për mediet, Spitali i Elbasanit jep detaje prej momentit të paraqitjes në spital të nënës shtatzënë e deri tek momenti kur ajo ka ndërruar jetë. 

    Ndërsa i shprehin ngushëllime familjarëve, spitali bën me dije se po priten rezultatet e ekspertizës mjeko-ligjore për shkakun e vdekjes. 

    “Duke shprehur ngushëllimet familjarëve për humbjen e 25-vjeçares R. D., Spitali rajonal Elbasan sqaron opinionin publik ne lidhje me humbjen e jetës së 25-vjeçares” si vijon: Pacientja R. D. u paraqit në spital më datë 22.04.2019 në orën 10:25 paradite.

    Pacientja ka ardhur me urgjencë në spital, me barrë të vonuar 42-javëshe dhe është futur në sallë, ku mjekët asistuan lindjen e fëmijës, i cili erdhi në jetë në orën 11:50.

    Foshnja u reanimua dhe gëzon shëndet të mirë.

    Për më shumë bëhu pjesë e grupit më viral në Facebook, Dosja.al

    Stafi mjekësor ka dhënë trajtimin e duhur mjekësor, por nëna e re dyshohet se pësoi komplikacion postoperator trombemboli pulmonare, e papajtueshme me jetën.

    Aktualisht priten rezultatet e ekspertizës mjeko-ligjore për shkakun e vdekjes së nënës”, deklaron spitali.

    Rexhina Debrova ndërroi jetë ditën e sotme pasi lindi fëmijën e saj të parë. 25-vjeçarja ka pësuar arrest kardiak pas lindjes dhe ka ndërruar jetë. Ndërkohë bebja është në gjendje të mirë shëndetësore.

    Pak momente pasi 25-vjeçarja ndërroi jetë, shefja e shërbimit në Spitalin e Elbasanit, Teuta Ilirjani është shprehur se të ndjerës i janë bërë ekzaminimet e duhura, por jo vizita e zemrës.

    (B.B/ Dosja.al)

    Shto Koment