Sport

VAR zbarkon në Kategorinë Superiore, FSHF kërkon mbështetje teknike nga FIFA

Periudha kohore deri në vjeshtën e vitit 2021 do të shërbejë për të ndërtuar një strukturë të besueshme për të implementuar më pas një sistem që kërkon një numër të lartë ekspertësh por edhe stadiume të certifikuara për të aplikuar risinë VAR.
Featured image of article: VAR zbarkon në Kategorinë Superiore, FSHF kërkon mbështetje teknike nga FIFA Duka me profesionistët e VAR

TIRANË- Sistemi VAR do të zbresë në Kategorinë Superiore për sezonin 2021-2022. Federata Shqiptare e Futbollit ka kërkuar asistencë nga FIFA për të hedhur bazat projektit që do të aplikohet në të gjitha stadiumet e futbollit elitar të vendit tonë pas një viti e gjysmë. Gjatë ditëve të fundit, ekspertë të FIFA-s kanë mbërritur në Shqipëri ku janë takuar me drejtuesin më të lartë të FSHF, Armand Duka dhe më pas kanë nisur menjëherë punën për të caktuar nivelin e eksperitizës që do t’i nevojitet futbollit shqiptar në mënyrë që arbitrat por edhe të gjithë aktorët të jenë gati për të aplikuar sistemin e korrigjimit të gabimeve edhe në stadiumet shqiptare.

Periudha kohore deri në vjeshtën e vitit 2021 do të shërbejë për të ndërtuar një strukturë të besueshme për të implementuar më pas një sistem që kërkon një numër të lartë ekspertësh por edhe stadiume të certifikuara për të aplikuar risinë VAR. Kjo do të thotë që sektori i licencimeve do të jetë shumë herë më i ashpër dhe korrekt në filtrimin e kushtit të infrastrukturës për një jklub që dëshiron të marrë pjesë në Superiore.

Për më shumë bëhu pjesë e grupit më viral në Facebook, Dosja.al

Një tjetër detaj shumë i rëndësishëm do të jetë edhe trajnimi i vazhdueshëm i të gjithë arbitrave, ndërsa teknologjia mbështetëse për riprodhimin e imazheve do të mbështetet financiarisht nga FSHF. Momentalisht, FSHF dhe FIFA po diskutojnë mbi bazën e tre sistemeve të propozuar dhe shumë shpejt do të merret një vendim përfundimtar se kush prej tyre është edhe më efektiv. Përsa i përket pjesës së goal line technology, nuk do të ketë asnjë ndryshim, pra nuk do të aplikohet gjatë viteve të ardhshme kjo edhe për shkak të kostos së madhe që ka ky sistem.

(E.Ç. Dosja.al)

Shto Koment