Politike

Vaksinimi i personaliteteve, ish-Presidenti Moisiu, pjesë e listës: Do ta bëj të dielën, më duket vendim i drejtë…mosha jonë një “saçme do”

E ndërsa ende nuk dihet lista e plotë, Abcnews.al mësoi se pjesë e saj do të jetë edhe ish-presidenti Alfred Moisiu, 92-vjeç.
Featured image of article: Vaksinimi i personaliteteve, ish-Presidenti Moisiu, pjesë e listës: Do ta bëj të dielën, më duket vendim i drejtë…mosha jonë një “saçme do” Alfred Moisu

TIRANË- Kryeministri Edi Rama njoftoi sot nga Vlora se të dielën do të nisë në Shqipëri vaksinimi i kategorisë së personaliteteve, mbi 80-vjeç, ndërsa nuk dha detaje se mbi çfarë kriteresh janë përzgjedhur emrat që do të marrin dozat.

E ndërsa ende nuk dihet lista e plotë, Abcnews.al mësoi se pjesë e saj do të jetë edhe ish-Presidenti Alfred Moisiu, 92-vjeç. Në një prononcim për Abcnews.al, ish-kreu i shtetit e konfirmoi faktin që ministria e kishte njoftuar. “Po, më ka njoftuar, ditën e dielë në orën 09:30 për të bërë vaksinën te stadiumi “Air Albania”,”- tha ai.

Por a do të pranojë të vaksinohet? “Po, sigurisht,”- tha ai. Alfred Moisiu vlerëson vendimin e qeverisë. “Duket se kanë vendosur drejt, pasi mosha jonë, sikur thotë populli një “saçme kërkon”. Është moshë që e përballon me vështirësi një sëmundje të tillë. Mendoj që është vendim i drejtë”.

Ish-presidenti kritikon qytetarët për faktin që nuk respektojnë masat anti-covid, por edhe partitë politike që po i shkelin në takimet elektorale.

Për më shumë bëhu pjesë e grupit më viral në Facebook, Dosja.al

“Populli është i padisiplinuar, rrinë pa maska, që është një mjet i domosdoshëm për t’u mbrojtur. E dyta distanca nuk mbahet. Shikoj edhe veprimtaritë politike që shkelen me të dyja këmbët, është shembull shumë negativ, duhet dënuar me rreptësi,”- tha Alfred Moisiu. 

Marrë nga: Abcnews

(A.k.dosja.al)

3 Komente në “Vaksinimi i personaliteteve, ish-Presidenti Moisiu, pjesë e listës: Do ta bëj të dielën, më duket vendim i drejtë…mosha jonë një “saçme do”

  1. Vaksinoni njerez me semundje shoqeruese qe jane shtylla per ekonomite e familjeve te tyre cfare vaksinoni 92 vjecar qe kane kaluar cdo faze te jetes.

  2. Ne lidhje me vaksinimin Edi Rama po nderton barken e Noes ne barke do te hipin rilindasit e tij dhe ata qe do te paguajne. Nuk e keni pare gje akoma.

  3. Moisiu le ta bej.
    Kush e di, u duhet ta bejne serish President, se Nano nuk e kaloi dot testin!

Shto Koment