Aktualitet

Vaksinim selektiv/ Shoferi personal i Skënder Bratajt vaksinohet kundër COVID19, Urgjenca: Ai është njësoj si një mjek, e mori dozën se të tjerët janë sëmurë. Ja LISTA

FOTO
  • Urgjenca: Ai është njësoj si një mjek, pse na godisni, e mori dozën se të tjerët janë sëmurë dhe e kanë kaluar
  • Në një status në profilin e tij në Facebook, Plesati ka publikuar foto nga momenti kur merr dozën e vaksinës Pfizer dhe kartelën që tregon që është vaksinuar. Krah njërës foto, shihet e shkruar edhe data e sotme, 23 shkurt, 2021. Qendra Kombëtare Urgjencës Mjekësore ka mohuar lajmin, duke pretenduar se Plesati është shofer ambulance.
    Featured image of article: Vaksinim selektiv/ Shoferi personal i Skënder Bratajt vaksinohet kundër COVID19, Urgjenca: Ai është njësoj si një mjek, e mori dozën se të tjerët janë sëmurë. Ja LISTA Mariglen Plesatti
    Përditësuar:

    TIRANË– Pasi deklaroi dje se do të vaksinonte të ëmën 86-vjeçare jashtë radhë, shefi i Urgjencës, Skënder Brataj duket se ka siguruar të gjithë njerëzit pranë tij. Mariglen Plesati, shoferi personal i Bratajt ka nxjerrë blof planin e vaksinimit të hartuar nga Ministria e Shëndetësisë Ogerta Manastirliu.

    Në një status në profilin e tij në Facebook, Plesati ka publikuar foto nga momenti kur merr dozën e vaksinës Pfizer dhe kartelën që tregon që është vaksinuar. Krah njërës foto, shihet e shkruar edhe data e sotme, 23 shkurt, 2021.

    “I vaksinuar,”– shkruan Plesati krah fotos.

    Ky postim është shpërndarë nga Genc Sejko, në profilin e tij në Facebook.

    Postimi i fshirë

    Vazhdon vaksinimi i personaliteteve. Merr dozën e parë shoferi i drejtorit të urgjencës,”- shkruan Sejko krahas fotove të shpërndara. Nga ana tjetër, ajo që vihet re është se vetë Plesati, siç duket ka marrë ‘kritika’ pas postimit dhe e ka fshirë atë.

    Për më shumë bëhu pjesë e grupit më viral në Facebook, Dosja.al

    Por, me ç’tagër është vaksinuar shoferi personal i Bratajt?

    Duke mos qenë as pjesë e bluzave të bardha dhe as personalitet, Mariglen Plesati duhet të priste radhën për të marrë vaksinën, atëherë kur do të nisë në mënyrë masive, por siç duket, pas deklaratës për të ëmën që e bëri mbrëmë, Bratajt sapo mbylli punë edhe me shoferin. Vaksinim selektiv qeveria pretendon se nuk ka, por ditët në vijim do të na tregojnë sesi po zhvillohet procesi, ku edhe këto pak vaksina që kanë ardhur përdoren sipas interesave të atyre që kanë mundësi për ti shpërndarë ato.

    Por ndryshe ka pretenduar Qendra Kombëtare Urgjencës Mjekësore, e cila ka reaguar pak pas publikimit të lajmit në Dosja.al. Me shpejtësi ata kanë publikuar listën e të vaksinuarve, ku krah emrit të Plesatit, shënohej se ishte shofer ambulance. Megjithatë nuk është publikuar asnjë dokument që vërteton statusin e tij në institucionin e dhënies së ndihmës së parë.

    (f.m;f.g/dosja.al)

    3 Komente në “Vaksinim selektiv/ Shoferi personal i Skënder Bratajt vaksinohet kundër COVID19, Urgjenca: Ai është njësoj si një mjek, e mori dozën se të tjerët janë sëmurë. Ja LISTA

    1. Ska gje eshte 80 vjec …ku qendron problemi ????

    2. JO MO TAO JOOO
      ESHTE PERSONALITET I BIRI BOTES PO JU KAQ DINI…MJERE EDI RAMEN QE E KA ZENE ME JU QE E PLAKET DHE E LODHET…AS FEMIJEN E 3 -te SË GRUAS SE 6 NUK PO E TAKON..NE GJUM E LE E NE GJUM E GJEN KUR SHKON NE BUNKERIN E SURELIT

    3. Cfare Cmendurie eshte??!!!!!

      Skender Brataj ka Shofer Personal?
      Si? Ku? Kur e PSE??
      E mjera Shq ku perfundoi.
      Nje shef urgjence,
      analfabet gjysme funksional,
      me shofer personal!!!

    Shto Koment