Bota

Vendi i parë në botë! Britania e Madhe licencon vaksinën anti-Covid të Pfizer/Biontech, shpërndarja masive nis javën tjetër

Pas këtij vendimi ka folur edhe një zëdhënës i Departamentit të Shëndetësisë, i cili është shprehur se pas miratimit të vaksinës, Komiteti i Përbashkët për Vaksinimin dhe Imunizimin do të japë këshillat e tij të fundit për grupet që do të marrin vaksinën të parët.
Featured image of article: Vendi i parë në botë! Britania e Madhe licencon vaksinën anti-Covid të Pfizer/Biontech, shpërndarja masive nis javën tjetër Pfizer ka aplikuar për autorizim urgjence për vaksinën e saj në SH.B.A.

ANGLI-Vaksina anti-Covid e prodhuar nga Kompania e Pfizer dhe BioNTech është miratuar për përdorim masiv në Mbretërinë e Bashkuar. Dailymail shkruan se Agjencia Rregullatore e Barnave dhe Produkteve Shëndetësore(MHRA) ka aprovuar vaksinën për përdorim masiv dhe se vaksinimi masiv i popullsisë do të fillojë javën e ardhshme.

Pas këtij vendimi ka folur edhe një zëdhënës i Departamentit të Shëndetësisë, i cili është shprehur se pas miratimit të vaksinës, Komiteti i Përbashkët për Vaksinimin dhe Imunizimin do të japë këshillat e tij të fundit për grupet që do të marrin vaksinën të parët.

“Qeveria ka pranuar sot rekomandimin nga Agjencia e Rregullatorit të Pavarur të Barnave dhe Produkteve Shëndetësore (MHRA) për të aprovuar vaksinën Pfizer / BioNTech Covid-19 për përdorim. Komiteti i Përbashkët për Vaksinimin dhe Imunizimin (JCVI) së shpejti do të publikojë këshillat e tij të fundit për grupet prioritare për të marrë vaksinën, duke përfshirë banorët e shtëpive të kujdesit, personelin shëndetësor dhe të kujdesit, të moshuarit dhe klinikisht jashtëzakonisht të prekshëm. Vaksina do të vihet në dispozicion në të gjithë Mbretërinë e Bashkuar nga java e ardhshme,” është shprehur ai.

Për më shumë bëhu pjesë e grupit më viral në Facebook, Dosja.al

Me këtë vendim, Britania e Madhe është bërë vendi i parë në botë që ka miratuar për përdorim vaksinën anti-Covid. Një ditë më parë, Agjencia Evropiane e Barnave refuzoi kërkesën e kompanisë gjermane farmaceutike “Biontech” dhe partnerit të saj amerikan “Pfizer” për miratimin e vaksinës anti-COVID-19. E njëjta gjë ka ndodhur edhe me vaksinën e kompanisë “MODERNA”.

Ndryshe nga sa pritej, mesa duket vaksinimi ndaj koronavirusit nuk do të fillojë para vitit 2021 në Europë. Pfizer/BioNTech dhe Moderna kanë dërguar edhe kërkesë për miratim emergjent të përdorimit të vaksinës së tyre tek Antirregullatori i Barnave dhe Ushqimeve (FDA) në SHBA.

(i.a;f.m/dosja.al)

Shto Koment