Politike

“Unë kam dalë partia e dytë nga zgjedhjet”, Paskal Milo i pakënaqur me PS: Të nisin dialogun, demokratët s‘do t’u ulen në gjunjë

Kreu i Partisë Demokracia Sociale, Paskal Milo tha se partia e tij kishte dalë e dyta nga zgjedhjet por një gjë e tillë nuk e gëzontë për shkak se vendi ndodhej në një krizë politike.
Featured image of article: “Unë kam dalë partia e dytë nga zgjedhjet”, Paskal Milo i pakënaqur me PS: Të nisin dialogun, demokratët s‘do t’u ulen në gjunjë Paskal Milo

TIRANË–  Kreu i Partisë Demokracia Sociale, Paskal Milo ka treguar hapur kritikat e tij për kryedemokratin Lulzim Basha dhe kryeministrin Edi Rama, me të cilin ka bërë aleancë.

I ftuar tek “Open”, Milo tha se partia e tij kishte dalë e dyta nga zgjedhjet por një gjë e tillë nuk e gëzontë për shkak se vendi ndodhej në një krizë politike.

“Unë kam dalë partia e dytë pas PS. Unë nuk i gëzohem kësaj fitoreje. Këto nuk ishin zgjedhje normale. Nuk e zgjidhën krizën. Jam aleat por nuk më pengon që të shoh të vërtetën në sy. Po ashtu nuk pranoj edhe kërkesën e PD-së për dorëheqjen e kryeministrit Edi Rama. Ndërkohë nga ana e saj, PS i ka grumbulluar të gjitha pushtetet, dhe i takon asaj që të marrë të gjitha iniciativat për zgjidhjen e krizave. Jo hajde Luli të ulemi. Nuk do vinë tu ulen në gjunjë,”-tha Milo.

Në zgjedhjet lokale të 30 qershorit, PS u fut e vetme me aleatët në zgjedhje, ndërsa PD vendosi bojkotin e tyre.

(k.m/dosja.al)

Shto Koment