AktualitetPolitike

Unaza e Madhe/ Spiropali paralajmëron Metën: Dështimi juaj, i njëjtë me opozitën

Përmes një postimi në Twitter, Spiropali shprehet se Presidenca do ta vuajë dështimin njësoj si simotra PD dhe LSI.
Featured image of article: Unaza e Madhe/ Spiropali paralajmëron Metën: Dështimi juaj, i njëjtë me opozitën Presidenti Ilir Meta dhe Ministrja Elisa Spiropali
Përditësuar:

TIRANË– Ministrja për Marrëdhëniet me Parlamentin, Elisa Spiropali ka reaguar pas përplasjes mes Kryeministrisë dhe Presidencës, lidhur me projektin e ’Unazës së Madhe’. Përmes një postimi në Twitter, Spiropali shprehet se Presidenca do ta vuajë dështimin njësoj si simotra PD dhe LSI.

Reagimi i plotë i Elisa Spiropalit

Jo veç në mllef dhe në dëshirën për rrëmujë,po edhe në zëdhënie Presidenca është e ngjashme si pikat e ujit me simotrën PD dhe sigruan LSI! Po çarçafët e katranit me bojë i ka më të gjatë dhe padurimin për protestë më të dukshëm.Ah po, edhe dështimin e radhës njësoj do ta vuajnë!

Ndërkohë, kujtojmë se në lidhje me kërkesën e Metës për anulimin e projektit “Unaza e Re”, reagoi edhe Erion Veliaj, i cili u shpreh se sipas tij ky projekt i duhet Tiranës, si dhe kryeministri Edi Rama. Veliaj i bëri thirrje Presidentit të mos bojkotojë kryeqytetin.

(A.m/ dosja.al)

Shto Koment