Aktualitet

Ulet ndjeshëm kurba e COVID-19/ Gjatë orëve të fundit vetëm 1 i infektuar në Tiranë

VIDEO
949 të infektuar, 31 viktima dhe 742 të shëruar, ky është bilanci i deritanishëm i COVID-19 në Shqipëri. Mbyllet spitali COVID-2. Gjatë 24 orëve të fundit është konfirmuar vetëm 1 person me COVID-19 në qytetin e Tiranës. Ndërkohë 176 persona aktivë me COVID-19, kryesisht ne Tiranë, Durrës Krujë, Shkodër.
Featured image of article: Ulet ndjeshëm kurba e COVID-19/ Gjatë orëve të fundit vetëm 1 i infektuar në Tiranë Adela Vasili

Tiranë- Ulet ndjeshëm kurba e COVID-19. Gjatë 24 orëve të fundit ka rezultuar i infektuar me COVID-19 vetëm një person në Tiranë, duke shkuar në 949 numri total i të prekurve. Adela Vasili nga Instituti i Shëndetit Publik bëri me dije ditën e sotme se janë testuar 177 persona të dyshuar, por vetëm 1 prej tyre rezultoi i prekur me COVID-19. Ndërkohë janë shëruar edhe 15 qytetarë dhe numri total i të shëruarve ka shkuar në 742. Lajm i mirë është se nuk është shënuar asnjë viktimë tjetër. Në vendin tonë aktualisht janë 176 persona aktivë me COVID19, kryesisht ne Tiranë, Durrës Krujë, Shkodër.

Njoftimi i ministrisë:

COVID-19/ Ministria e Shëndetësisë: Vetëm 1 rast i ri në Tiranë, dita me numrin më të ulët nga fillimi i epidemisë 15 të shëruar në 24 orët e fundit. 78% e të prekurve tashmë janë të shëruar Dr. Adela Vasili Instituti i Shëndetit Publik Ju bëjmë me dije të dhënat e 24 orëve të fundit të situatës së COVID 19 në Shqipëri.

Në vend vazhdon shfaqja e rasteve sporadike, ndërsa situata epidemiologjike paraqitet e qëndrueshme. Marrja në kohë e masave, respektimi i distancimit fizik, ruajtja e higjienes personale kanë rolin kryesor në shfaqjen e një kurbe epidemike të butë.

Për më shumë bëhu pjesë e grupit më viral në Facebook, Dosja.al

Gjatë 24 orëve të fundit kemi të konfirmuar vetëm 1 rast pozitiv në Tiranë, nga 177 testime të kryera për të dyshuar të prekur me Covid19.
Të shëruar janë 15 qytetarë.
Në spitalin Infektiv, gjendja paraqitet e qëndrueshme prej ditësh me 15 pacientë të shtruar dhe vetëm 3 prej tyre në terapi intensive.
Prej më shumë se dy javësh fatmirësisht nuk kemi asnjë humbje jete.
Deri më sot janë kryer rreth 13 mijë testime dhe janë konfirmuar pozitivë me COVID-19 në të gjithë vendin 949 qytetarë. Prej tyre, rreth 78% janë të shëruar.
Në vendin tonë aktualisht janë 176 persona aktivë me COVID19, kryesisht ne Tiranë, Durrës Krujë, Shkodër. Edhe pse situata paraqitet e kontrolluar, vetë qytetarët duhet të tregohen të kujdesshëm, duke respektuar distancimin fizik, duke ruajtur higjienën personale, duke shmangur vizitat tek të afërmit. Qytetarët të mos neglizhojnë shenjat e sëmundjes Covid-19, por të telefonojnë në numrin unik të Urgjencës Kombëtare 127, ndërsa për çdo pyetje apo shqetësim Ministria e Shëndetësisë ka vënë në dispozicion linjën e gjelbër 0800-40-40

COVID-19 – Statistika (19 Maj 2020)
Testime totale 12899
Raste pozitive 949
Raste të shëruara 742
Raste Aktive 176
Humbje jete 31 (Qarku Tiranë 18, Durrës 6, Fier 3, Vlorë 1, Shkodër 2, Kukës 1)

Shpërndarja gjeografike e rasteve aktive është si vijon:
Tiranë 68
Krujë 35
Durrës 31
Shkodër 14
Kamëz 10
Berat 10
Fier 4
Elbasan 2
Mirditë 1
Korçë 1

J.V/Dosja.al 

Shto Koment