Aktualitet

‘U vra me 300 mijë euro’/ Gazetari Artan Hoxha: Vrasësit e Santiagos erdhën nga jugu, prokuroria i liroi… ish-polici duhej të vritej me patjetër

Hoxha tha se vrasja e Santiagos është një vrasje me pagesë, dhe se qysh në prill janë paguar 30 mijë euro për të ditur vendodhjen e tij.
Featured image of article: ‘U vra me 300 mijë euro’/ Gazetari Artan Hoxha: Vrasësit e Santiagos erdhën nga jugu, prokuroria i liroi… ish-polici duhej të vritej me patjetër

TIRANË- Gazetari investigativ Artan Hoxha, thotë se grupi që ekzekutoi ish-policin Santiago Malko vinte nga jugu i Shqipërisë. I ftuar në “45 minuta” me gazetarin Denis Minga në Report Tv, Hoxha tha se vrasja e Santiagos është një vrasje me pagesë, dhe se qysh në prill janë paguar 30 mijë euro për të ditur vendodhjen e tij. Gazetari shtoi, se grupi që e ekzekutoi janë liruar nga prokuroria, dhe se ata kanë investuar 250 mijë euro për të dalë sërish të lirë.

Artan Hoxha: Janë zhdukur disa bosë të grupeve kriminale, janë arrestuar dhe ende nuk ka shkuar dot as media tek ato. Këto grupe kanë potenciale jashtë Shqipërie. Në Shqipëri vijnë dhe mbledhin kufoma. Situata është e artë për grupin e organizuar. Në ditët në vijim do t’a shpjegoj më mirë. Santiago Malko është përfshirë në shumë episode. Vrasja e tij, vrasje që krijoi një problem të ri në Tiranë. Santiago Malko, rezulton se është vrasje me pagesë. 8 muaj para, agjencitë tona ishin në dijeni se kishte 30 mijë euro shpërblim për vendodhjen e Santiagos. Ishte vënë në shënjestër nga një grup. Në prill, më 7 ose 8 prill kam bërë shkrim për një grup që do të bënte atentat. Grupi u kap asokohe dhe atentati nuk u bë. Ky grup u lirua brenda një kohe shumë të shkurtër. S’di sesi prokurorët e liruan menjëherë. U paguan një cerek million euro që ai grup të dilte sërish në rrugë. Santiago Malko, janë tri makina në skenën e krimit. Janë paguar 300 mijë euro. Qitësit kanë ardhur nga Vlora. Autorët janë të njëjtë, me atentatin e Edison Harizajt në Durrës dhe të njëjtët që goditën Ferdinand Llanajn në Vlorë. Grup i ekzekutorëve. Santiago Malko duhet të ekzekutohej me patjetër.

Mbrëmjen e 27 gushtit në zonën e xhamllikut në Tiranë, u ekzekutua në makinën e tij tip “BMW X5”, Santiago Malko, ish-polic. Ai ishte pjesë e bandës së Ervis Martinajt, i njohur ndryshe si bosi i lojërave të fatit. Malko kishte gjithashtu në pronësi disa pika bastesh sportive. Ai ka qenë i përfshirë në ngjarjen e 4 tetorit 2018, ku dhe ndodhi vrasja e Fabian Gaxhës në ish-Bllok pas një përplasjeje me armë. Gjithashtu ish-polici i vrarë është përfshirë në një sherr me dy vëllezërit Lashi në vitin 2016 për një borxh prej 1 mijë eurosh. Pas kësaj ngjarje të rëndë, Dosja.al zbuloi skandalin, se Santiago Malko ka qenë pjesë e Inspektoriatit të Mjedisit dhe Pyjeve, ku ka punuar si inspektor edhe pse ka qenë i shpallur në kërkim.

(F.g/dosja.al)

Shto Koment