Politike

U shfaq mes parcelës me kanabis, Salianji komenton foton që bëri xhiron e mediave: Isha i detyruar, ja kur është shkrepur

Në një lidhje me Skype, në AbcNews, Salianji shprehet se ka qenë i detyruar të shkojë në parcela, pasi qeveria i mohon dhe ai duhej t’i tregonte kësaj të fundit që ekzistojnë vërtet. Salianji tha se fotoja është shkrepur gjatë një denoncimi të bërë në mandatin e parë të qeverisë së Edi Ramës.
Featured image of article: U shfaq mes parcelës me kanabis, Salianji komenton foton që bëri xhiron e mediave: Isha i detyruar, ja kur është shkrepur Ervin Salianji me kanabis

TIRANË– Ish-deputeti i Partisë Demokratike, Ervin Salianji, ka sqaruar foton që ka publikuar vetë një ditë më parë, në profilin e tij në Facebook, ku shihej teksa kishte future duart mes fidanëve të kanabisist.

Në një lidhje me Skype, në AbcNews, Salianji shprehet se ka qenë i detyruar të shkojë në parcela, pasi qeveria i mohon dhe ai duhej t’i tregonte kësaj të fundit që ekzistojnë vërtet. Salianji tha se fotoja është shkrepur gjatë një denoncimi të bërë në mandatin e parë të qeverisë së Edi Ramës.

Një nga disa denoncimet që kam bërë në mandatin e parë të Ramës kur kanabisi gjendet lehtësisht. Besoj se edhe këtë vit kështu do jetë se kur afrohen zgjedhjet ka shumë. Ka qenë e detyruar të shkonim në parcela sepse qeveria e mohonte ndërkohë që Guarda di Finanza tha se 8% e territorit ishte e mbjellur,”- tha Salianji.

Një ditë më parë, në një status në profilin e tij në facebook, Salianji publikoi një foto ku deklarohej kundër legalizimit të kanabisit. Ish-deputeti shkruante krah fotos, se Rama kërkon që të hipotekojë hektarët me drogë që janë mbjellur në kohën që ka qenë në pushtet dhe se sipas tij, grosistët e mbjelljes së hashashit do të jenë 5 oligarkë në vend, pasi kanë kapur gjithçka tjetër.

Për më shumë bëhu pjesë e grupit më viral në Facebook, Dosja.al

Kryeministri Edi Rama, në Ditën e Evropës u shfaq krah ambasadorit të BE në Shqipëri, Luigi Soreca, dhe u shpreh se po vijon puna për ligjin e legalizimit të hashashit për arsye mjekësore. Kryetari i PD, Lulzim Basha dhe kryetarja e LSI, Monika Kryemadhi janë shprehur se Rama kërkon që të kanabizojë sërish vendin, por këtë herë ndërkombëtarët janë kundër këtij plani.

(f.m/dosja.al)

Shto Koment