Bota

Venezuela kërkon urgjentisht largimin e ambasadores së BE-së, Maduro: Ata që nuk na respektojnë…

Mediat ndërkombëtare kanë bërë me dije se dëbimi i Isabel Brilhante Pedrosas erdhi disa orë pasi BE-ja vendosi sanksione kundër 11 zyrtarëve të Venezuelës.
Featured image of article: Venezuela kërkon urgjentisht largimin e ambasadores së BE-së, Maduro: Ata që nuk na respektojnë… Nicolas Maduro

VENEZUELË– Presidenti i Venezuelës, Nicolas Maduro, urdhëroi që ambasadorja e Bashkimit Evropian, Isabel Brilhante Pedrosas të largohet nga vendi brenda 72 orësh.

Mediat ndërkombëtare kanë bërë me dije se dëbimi i Isabel Brilhante Pedrosas erdhi disa orë pasi BE-ja vendosi sanksione kundër 11 zyrtarëve të Venezuelës, pasi këta të fundit pretendohet se kanë kryer veprime kundër Asamblesë kombëtare, të kryesuar nga udhëheqësi i opozitës, Juan Guaido.

Guaido e ka shpallur veten president të përkohshëm vitin e kaluar, por ende nuk ka arritur ta largojë Maduron nga pushteti.

“Nëse ata nuk mund ta respektojnë Venezuelën, atëherë duhet të largohen”, tha Maduro duke folur për zyrtarët e BE-së.

Për më shumë bëhu pjesë e grupit më viral në Facebook, Dosja.al

Të hënën, Këshilli Evropian tha se 11 zyrtarë të Venezuelës janë shtuar në listën e të sanksionuarve “për shkak të rolit të tyre në akte dhe vendime që dëmtojnë demokracinë dhe shtetin e ligjit në Venezuelë”.

Burimi:BBC

(A.K.Dosja.al)

Shto Koment