Politike

Ende pa përfunduar regjistrimi i partisë, Patozi kërkon votën e qytetarëve: Ta rrëzojmë partitokracinë

Patozi tha se rrëzimi i “partitokracisë” dhe ndryshimi i sistemit aktual duhet të jenë arsyet pse qytetarët duhet të votojnë në këto zgjedhje partinë e përfaqësuar prej tij, Bindjen Demokratike.
Featured image of article: Ende pa përfunduar regjistrimi i partisë, Patozi kërkon votën e qytetarëve: Ta rrëzojmë partitokracinë Në foto logo e Bindjes Demokratike

TIRANË- Ish-deputeti i PD, Astrit Patozi, i cili së fundmi ka krijuar një forcë të re politike, të quajtur “Bindja Demokratike”, tha se kjo parti e legjitimuar tashmë do të marrë pjesë në zgjedhjet lokale të 30 qershorit.

Në një postim në Facebook, Patozi fton qytetarët të marrin pjesë në zgjedhje, teksa shton  se rrëzimi i “partitokracisë” dhe ndryshimi i sistemit aktual duhet të jenë arsyet pse qytetarët duhet të votojnë në këto zgjedhje partinë e përfaqësuar prej tij.

Postimi i plotë Astrit Patozit

VOTO PËR “BINDJEN” TËNDE!

Falenderime, mirënjohje dhe respekt për ata mijëra burra dhe gra nga e gjithë Shqipëria, që nëshkruan në kohë rekord, por edhe e mbështetën duke e uruar që në ditën e parë lindjen e “BINDJES DEMOKRATIKE”! 
Ata janë themeluesit e saj të vërtetë, ndaj të cilëve do të ndjehemi të detyruar gjithmonë.

Koha do të tregojë shumë shpejt se ne bëmë gjënë e duhur në një kohë të vështirë për vendin, pasi krijuam BINDJEN se ishte çasti që të merrnim të gjitha përgjegjësitë tona. 
Por deri atëherë, ne do të rendim me shpejtësi, duke ftuar të na bashkohet çdo qytetar që kërkon ndryshimin e kësaj gjendjeje dëshpëruese në Shqipëri për shkak të sistemit dhe qeverisjes së gabuar.

Për më shumë bëhu pjesë e grupit më viral në Facebook, Dosja.al

Ka ardhur momenti që secili prej nesh duhet të marrë një vendim për të dhënë një kontribut që ta rrëzojmë partitokracinë, sepse ajo ushqen autoritarizmin, korrupsionin, abuzimin me pushtetin, padrejtësinë dhe pabarazinë e frikshme para ligjit. 
Është pikërisht koha që çdo shqiptar duhet të marrë këtë ftesë:

VOTO PËR “BINDJEN” TËNDE!

 

Ditën e djeshme Astrit Patozi zyrtarizoi projektin e tij politik nën siglën e “Bindja Demokratike”. Një një kumt të lëshuar për mediat, BD njofton se nga sot Shqipëria do të ketë një parti opozitare më shumë.

Gjithashtu, BD bën me dije se nismëtarët e kësaj partie, që janë rreth 4 mijë firmëtarë kanë mandatuar një bord të përkohshëm të përbërë nga disa figura të njohura në PD si Arben Skënder, Leonard Olli, Valbona Mezini dhe Fabian Topollaj. Astrit Patozi është komanduar si koordinator i kësaj partie. (Lexo këtu)

(a.m/dosja.al)

Shto Koment