Pamje nga vendi i ngjarjes
SHKODËR- Taulant Pepaj, 30-vjeçari, në drejtim të cilit u qëllua sot me armë zjarri në Shkodër është emër i njohur për policinë.
Burime për Dosja.al, bëjnë me dije se 30-vjeçari që për fat të mirë u shpëtoi plumbave, është me precedent të mëparshëm penal, pasi në 2017 është arrestuar nën akuzën se për plagosjen me arme zjarri.
Pepaj, banues në Shkodër është arrestuar në 2017 për veprën penale “Plagosje e Rëndë me dashje” pasi më 25.06.2017 në lagjen ”Bacallek ”Shkodër, gjatë një konflikti të çastit ka plagosur me armë zjarri shtetasin R. Th, 22 vjeç, banues në Shkodër.
Ngjarja ndodhi ditën e sotme ku makian e Pepajt është qëlluar me armë zjarri në qytetin e Shkodrës. Ngjarja ku për fat të mirë nuk pati të lënduar ndodhi në lagjen “Skanderbeg” në afërsi të repartit të Zjarrfikëseve.
(A.k.dosja.al)
