Aktualitet

U nda nga jeta në moshën 84-vjeçare/ Agim Xhafka prek me fjalët për Dhimitër Orgockën: Jetonte si artist, punonte dhe shpresonte të fluturonte atje lart

Në një postim që ka bërë në rrjetet sociale, Xhafka thotë se u nda nga jeta një person me karakter të fortë dhe që luftoi dhëmbë për dhëmbë me jetën.
Featured image of article: U nda nga jeta në moshën 84-vjeçare/ Agim Xhafka prek me fjalët për Dhimitër Orgockën: Jetonte si artist, punonte dhe shpresonte të fluturonte atje lart Agim Xhafka

TIRANË- Gazetari Agim Xhafka, ka shprehur ngushëllimet e tij për regjisorin Dhimitër Orgocka, i cili humbi jetën në moshën 84-vjeçare si pasojë e një hemorragjie cerebrale, në 1 janar të këtij viti.

Në një postim që ka bërë në rrjetet sociale, Xhafka thotë se u nda nga jeta një person me karakter të fortë dhe që luftoi dhëmbë për dhëmbë me jetën. Ndër të tjera ai thotë se regjisori nisi karrierën e tij në moshën 15 vjeçare, dhe nuk rreshti së pushuari në dekada si aktor skene e filmi e mbi të gjitha si regjisor.

POSTIMI 

Për më shumë bëhu pjesë e grupit më viral në Facebook, Dosja.al

Dje u shua regjisori Dhimitër Orgocka. Një ikonë e artit korçar,por dhe atij kombëtar. Një karakter i fortë që u ndesh dhëmb për dhëmb me jetën. E nisi si kërcimtar në moshën 15 vjeçare,nuk rreshti në dekada si aktor skene e filmi e mbi të gjitha si regjisor. Hera herës si punëtor ngarkim shkarkimi kur egërsohej lufta e klasave. Teatri Çajupi ka plot diamantë,por Taqka qe më rrezatuesi,nga që pati plot prodhim e jetëgjatësi në skenë.Te varrezat e Korçës sot u dëgjua muzika. Binte fizarmonika e klarineta. E kishte lënë amanet Dhimitri përcjelljen me kaba. Unë që e njoh mirë atë ikjen me melodi e shpjegoj prej Dhorës,dashurisë së madhe të tij. Dhorkën e rrëmbeu para shumë vitesh një sëmundje e rëndë dhe Dhimitri atë ditë u përgjysmua. Jetonte si artist,se ashtu i dukej që Dhorën e ndeshte çdo ditë,ndërsa si njeri hyri në korridorin e errësirës. E nga intervistat që jepte,nga gulçi se askush nuk më pret te dera,e kishte si një lutje zotit ta çonte te dashuria e vet. Punonte dhe shpresonte të fluturonte atje lart,te ai ylli atje ku e priste ajo. Kaq dëshirë të fuqishme e kish sa kërkoi,më përcillni me kaba,me fizarmonikë e klarinetë. Si përcjellja e nuseve kur dalin nga shtëpia. Qajnë për nënën e babain,po u rregëtin zemra nga lumturia që po shkojnë te krahët e fuqishëm të burrit.
Dje varrezat në Korçë jetuan një çudi që s’qe çudi. U përcoll me kaba Dhimitër Orgocka. Qe vdekje e kollajshme,e tërhoqi ëmbël andej matanë Dhora,gruaja e tij artiste. Ashtu si Romeon që dashuria për Zhuljetën e çoi te gota e helmit për t’u shtrirë të dy te i njëjti varr…

Dhimitër Orgocka, humbi jetën në moshën 84 vjeçare si pasojë e një hemorragjie cerebrale. Dhimitër Orgocka ishte nderuar edhe me titullin “Mjeshtër i Madh”, ndërkohë që numëron 82 role të interpretuara në skenat e teatrove shqiptare, ku ka marrë edhe çmime, si dhe ka vënë në skenë 104 premiera në teatër si regjisor.

(A.k.dosja.al)

Etiketa:

Shto Koment